«Түбіртекті талап ет те – жүлдені ұтып ал!» атты науқанға қатысыңыздар!
«Wipon» мобильді қосымшасының қолдауымен 2020 жылдың 12 мамырынан 1 желтоқсанына дейін «Түбіртекті талап ет те – жүлдені ұтып ал!» жыл сайынғы акцияға қатысыңыз.
Акцияның мақсаты азаматтық белсенділікті арттыру, тауарлардың, жұмыстардың және қызметтердің тұтынушылары ретінде өз мүдделерін қорғау мәселелерінде азаматтардың құқықтық мәдениетін тәрбиелеу, көлеңкелі экономиканың мөлшерін қысқарту, сондай-ақ кәсіпкерлер арасында әділ бәсекелестікті ынталандыру болып табылады.
Акция «Wipon» мобильді қосымшасы арқылы жүзеге асырылады, бұл қосымшаны Apple App store және Google Play market-тен тегін жүктеуге болады.
Акцияға онлайн-БКМ фискалды чегінің деректерін жіберу жолымен тауардың, жұмыстың немесе қызметтің тұтынғанын растаған Қазақстан Республикасының азаматтары қатыса алады.
Чекті жібергеннен кейін қатысушы 5 000 теңгеге дейінгі қаражатты бірден телефон теңгеріміне алу мүмкіндігін алады. Барлық жіберілген чектер акцияның бас жүлдесі ұтыс ойынына қатысады.
Егер фискалды чек берілмеген жағдайда, азаматтар бұл бұзушылықтарға видео арқылы шағым жасауы мүмкін. Акция кезінде ұтысқа онлайн-БКМ фискалды чектері қатысады.
Бас финал жылдың соңында ҚР ҚМ Мемлекеттік кірістер комитетінде өтеді. Онда бағалы сыйлықтар ұтысқа салынады. Ұтыс жеңімпаздары чекті кездейсоқ таңдау әдісімен анықталатын болады.
Осылайша, қатысушы қаншалықты көп чек жіберсе, жүлдені ұтып алу мүмкіндігі де соншалықты өсе түседі.