Құрметті Талғар ауданының тұрғындары!!!
Талғар ауданы бойынша мемлекеттік кірістер басқармасы Қазақстан Республикасы Үкіметінің 2020 жылғы 20 мамырдағы № 306 қаулысына сәйкес Қазақстан Республикасы азаматтарының Армения Республикасында тіркелген жеке көлік құралдарын Қазақстан Республикасына әкелуі және пайдалануы туралы хабарлайды.
Қазақстан Республикасының Үкіметі ҚАУЛЫ ЕТЕДІ:
Қазақстан Республикасының Ішкі істер министрлігі 2020 жылдың 1 қыркүйегіне дейін заңнамада белгіленген тәртіппен: Армения Республикасының уәкілетті органдарында Қазақстан Республикасының азаматтарында атында есепте тұрған және Қазақстан Республикасына 2020 жылдың 1 ақпанына дейін әкелінген сол жақтан жүретін көлік құралдарын еспке алу Қазақстан Республикасы Салық кодексінің 553-бабы 4-тармағының 1,1 тармақшасына сәйкес мемлекеттік тіркеу үшін алым және Қазақстан Республикасы Салық кодексінің 615-бабына сәйкес мемлекеттік баж төлемімен жүзеге асырады; Көлік құралын тіркеу кезінде Қазақстан Республикасының цифрлық даму, инновация және аэроғарыш өнеркәсібі министрлігі көлік құралы иелерінің талабы бойынша Армения Республикасының уәкілетті органдары берген көлік құралдарының түпнұсқалары мен мемлекеттік тіркеу нөмерінің сақталуын және осы қаулының 1-тармағының, 1 тармақшасында көрсетілген көлік құралдарын Қазақстан Республикасынан тыс жерге тасымалдаған кезде қайтарып беруді қамтамасыз етеді. Қазақстан Республикасының Қаржы, индустрия және инфрақұрылымды дамыту министрліктері осы қаулының 1-тармағының 1) тармақшасына сәйкес тіркелген көлік құралдарының иелеріне салық міндеттемелерін төлеу және міндетті техникалық тексерулерден өту мүмкіндігін қамтамасыз етсін. Қазақстан Республикасының Қаржы және Ішкі істер министрліктері Еуразиялық экономикалық одақтың құқықтары мен Қазақстан Республикасының заңнамасын бұза отырып, Армения Республикасынан Қазақстан Республикасына 2020 жылғы 1 ақпаннан кейін көлік құралдарын әкелген тұлғаларға қатысты заңнамада белгіленген шаралар қолданады. Бас прокуратураға (келісім бойынша) және Қазақстан Республикасының Ұлттық қауіпсіздік комитетіне (келісім бойынша) Қазақстан Республикасының мемлекеттік шекараларын басқа елдердің уәкілетті органдарында тіркелген көлік құралдары кесіп өтуі, олардың иелері және оларды басқаратын адамдар туралы ақпаратқа ішкі істер органына қол жетімділігін ұйымдастыру үшін 2021 жылғы 1 желтоқсанына дейін «Әкімшілік іс жүргізудің бірыңғай тізілімі» және «Бүркіт» ведомстволық ақпараттық жүйелерінің интеграциялануын қамтамасыз етсін.