Мемлекеттік атаулы әлеуметтік көмек тағайындау, төлеу және кепілдік берілген әлеуметтік топтаманы ұсыну қағидаларын бекіту туралы Қазақстан Республикасы Денсаулық сақтау және әлеуметтік даму министрінің 2015 жылғы 5 мамырдағы № 320 бұйрығы Қазақстан Республикасының Әділет министрлігінде 2015 жылы 24 маусымда № 11426 тіркелген.
Атаулы әлеуметтік көмек жаңа тәртіппен, яғни АӘК тоқсан сайын тағайындалады. Әр тоқсан басында жергілікті әкімшілікке келіп толық құжат тапсырылады.
2018 жылғы тәртіп бойынша адам басына 21 мың теңге берілмейді, яғни, отбасының орташа табысы ең төменгі күнкөріс деңгейінің 70 пайызына жетпейтін болса, орташа табыстың кедейлік шегінен айырмасы ғана төленеді. Алматы облысы бойынша 2022 жылдың 3 тоқсанына күнкөріс деңгейінің 70 пайызы 32 192 теңгені құрайды. Есесіне АӘК алушы балаларына кепілдендірілген әлеуметтік топтама алады. Кепілдендірілген әлеуметтік топтама түрлері; Азық- түлік айына 1 рет, гигиеналық құралдар тоқсанына 1 рет беріледі.
а) «Мектеп жасына дейінгі балалар жасына қарай Денсаулық сақтау министрлігінің ұсынымдарына сәйкес, баланың физиологиялық ерекшелігін және тағамдық құндылығын арттыру мақсатында азық – түлік топтамасымен және гигиеналық құралдармен» қамтамасыз етіледі.
б) «Мектеп жасындағы балалар мектеп формасы, мектеп құралдарымен, мектептегі ыстық тамақпен және мектепке қатынауға жол жүру жеңілдіктері» қарастырылады.
АӘК алатын отбасындағы еңбекке жарамды азаматтарға жұмыс ұсынылады. Егер одан бас тартса АӘК беру отбасына толық тоқтатылады. Бұл санатқа 1,2 топтағы мүгедектер, 1,2 топтағы мүгедектерге және 80 жастан асқан қарттарға қарап отырған адам, 3 жасқа дейінгі бала күтімімен айналысатын еңбекке жарамды азаматтар, күндізгі оқу орнында оқитын білімгерлер жатпайды.
2022 жылдың екінші тоқсанына Кеңдала ауылдық округі бойынша АӘК сұрап келген 300 астам тұрғындарға кеңес (консультация) берілді. 209 отбасынан өтініш қабылданып, «Е-Халық» жүйесі арқылы 201 өтінішке АӘК тағайындалды.