Алматы облысы Талғар ауданы Талғар қаласы
әкімінің сайлауын тағайындау туралы
«Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасы Конституциялық заңының 14-бабының 8-1) тармақшасына, 113-1-бабына сәйкес Талғар ауданының аумақтық сайлау комиссиясы ҚАУЛЫ ЕТЕДІ:
- Алматы облысы Талғар ауданы Талғар қаласының әкімін сайлау 2024 жылғы 15 желтоқсанына тағайындалсын.
- Осы қаулыға қосымшаға сәйкес 2024 жылғы 15 желтоқсанына тағайындалған Алматы облысы Талғар ауданы Талғар қаласының әкімін сайлауды әзірлеу мен өткізу жөніндегі негізгі іс-шаралардың күнтізбелік жоспары бекітілсін.
- Осы қаулы бұқаралық ақпарат құралдарында жариялансын және Талғар ауданының аумақтық сайлау комиссиясының интернет-ресурсында орналастырылсын.
Төраға Д. Батталгазиев
Хатшы Г. Лепесова
Талғар қаласы
2024 жылғы 06 қараша
№ 25 қаулы