Алматы облысы Талғар ауданының Панфилов, Кеңдала ауылдық округтерінің әкімдерін сайлауды тағайындау туралы
«Қазақстан Республикасындағы сайлау туралы» Қазақстан Республикасы Конституциялық заңының 14-бабының 8-1) тармақшасына, 113-1-бабына сәйкес Талғар ауданының аумақтық сайлау комиссиясы ҚАУЛЫ ЕТЕДІ:
- Алматы облысы Талғар ауданы Панфилов, Кеңдала ауылдық округтерінің әкімдерін сайлау 2026 жылғы 4 қазанға тағайындалсын.
- Осы қаулыға қосымшаға сәйкес 2026 жылғы 4 қазанға тағайындалған Алматы облысы Талғар ауданының Панфилов, Кеңдала ауылдық округтерінің әкімдерін сайлауды әзірлеу мен өткізу жөніндегі негізгі іс-шаралардың күнтізбелік жоспары бекітілсін.
- Осы қаулы «Alatau Zhuldyzy» газетінде жариялансын және Талғар ауданының аумақтық сайлау комиссиясының интернет-ресурсында орналастырылсын.
Төраға Д. Батталгазиев
Хатшы Г. Лепесова
Талғар қаласы,
2026 жылғы 26 тамыз,
№ 47