"Алматы облысының энергетика және сумен жабдықтау басқармасы"ММ " Алматы облысы Еңбекшіқазақ ауданы Алға ауылына газ құбырын тарту және газ тарату желілерін салу " жұмыс жобасы бойынша ықтимал әсерлер туралы есеп жобасына ескертулер мен ұсыныстардың жиынтық кестесі

№

Мүдделі мемлекеттік орган

Ескерту мен ұсыныстар

1.

«Қазақстан Республикасы Су ресурстары және ирригация министрлігі Су шаруашылығы комитетінің Су ресурстарын пайдалануды реттеу  және қорғау жөніндегі  Балқаш-Алакөл бассейндік инспекциясы» Республикалық мемлекеттік мекемесі

Жоспарланып отырған қызмет – «Алматы облысының энергетика және сумен жабдықтау басқармасы» ММ
«Алға ауылы, Еңбекшіқазақ ауданы, Алматы облысы бойынша газ кіргізу құбыры мен газ тарату желілерінің құрылысы» жұмыс жобасына арналған «Мүмкін әсерлер туралы есеп».

Тапсырыс беруші: «Алматы облысының энергетика және сумен жабдықтау басқармасы» ММ.

Жобаланатын нысан Қазақстан Республикасы, Алматы облысы, Еңбекшіқазақ ауданы, Алға ауылында орналасқан. Байтерек ауылдық округінің құрамына кіреді.

Бұған дейін «Алматы облысының энергетика және сумен жабдықтау басқармасы» ММ тапсырысы бойынша «Есоland» ЖК әзірлеген
«Алға ауылы, Еңбекшіқазақ ауданы, Алматы облысы бойынша газ кіргізу құбыры мен газ тарату желілерінің құрылысы» жұмыс жобасына арналған Қоршаған ортаны қорғау бөлімі Инспекция тарапынан KZ10VRC00023843 тіркеу нөмірімен 2025 жылғы 15 шілдеде мақұлданған.

2.

"Қазақстан Республикасы экология,және табиғи ресурстар министрлігі орман шаруашылығы және жануарлар дүниесі комитетінің алматы облыстық орман шаруашылығы және жануарлар дүниесі аумақтық инспекциясы" РММ

Алматы облыстық орман шаруашылығы және жануарлар дүниесі аумақтық инспекциясы, Алға ауылы , Еңбекшіқазақ ауданы, Алматы облысы бойынша жеткізуші газ құбыры мен газ тарату желілерінің құрылысы жұмыс жобасына арналған  17.07.2025 жылғы № KZ40RVX01419570 қоршаған ортаға әсерді бағалау жүргізуге өтініші бойынша ескертулер мен ұсыныстар жоқ екені туралы хабарлайды.

3.

Алматы облысының санитариялық-эпидемиологиялық бақылау департаменті

Ескерту мен ұсыныстар берілмеді

4.

Алматы облысының жер қатынастары басқармасы

Ескерту мен ұсыныстар берілмеді

5.

Алматы облысының энергетика және сумен жабдықтау басқармасы

Ескерту мен ұсыныстар берілмеді

6

Алматы облысының кәсіпкерлік және индустриялық-инновациялық даму басқармасы

Алматы облысының кәсіпкерлік және индустриялық-инновациялық даму басқармасы (бұдан әрі-Басқарма) өтініштің жіберілген көшірмесін қарастырып (Қазақстан Республикасының 2021 жылғы 2 қаңтардағы № 400-VI ҚРЗ Экологиялық Кодексінің 68-бабтың 5-тармағының 2-тармақшасы) «Алматы облысының энергетика және сумен жабдықтау басқармасы» ММ-нің көзделіп отырған қызметі туралы ұсыныстар мен ескертулер жоқ екенін хабарлайды (Қазақстан Республикасының 2021 жылғы 2 қаңтардағы № 400-VI ҚРЗ Экологиялық Кодексінің 68-бабтың 9-тармағы).

7

Қазақстан Руспубликасы төтенше жағдайлар министрлігі өнеркәсіптік қауіпсіздік комитетінің Алматы облысы бойынша департаменті

Қазақстан Республикасы Төтенше жағдайлар министрлігі Алматы облысының төтенше жағдайлар департаменті (бұдан әрі-Департамент) келесіні хабарлайды.

Қазақстан Республикасының «Азаматтық қорғау туралы» 2014 жылғы 11 сәуірдегі № 188-V 3PK Заңының (бұдан әрі-заң) 70-бабының 1-тармағына сәйкес қауіпті өндірістік объектілердің белгілері мынадай қауіпті заттардың ең болмағанда біреуін өндіру, пайдалану, қайта өңдеу, қалыптастыру, сақтау, тасымалдау (құбыржол), жою болып табылады.

Тұтанғыш зат-қалыпты қысым кезінде және ауамен араласқан кезде тұтанатын және қалыпты қысым кезінде қайнау температурасы 20 градус немесе одан төмен болатын газ.

Заңның 16-бабының 3-тармағының, 21-тармақшасына сәйкес қауіпті өндірістік объектілері бар және (немесе) олардағы жұмыстарға тартылатын ұйымдар осы баптың 2-тармағына қосымша осы Заңға және Қазақстан Республиксының сәулет, қала құрылысы және құрылыс қызметі туралы заңнамасына сәйкес қауіпті өндірістік объектіні салуға, кеңейтуге, реконструкциялауға, жаңғыртуға, консервациялауға және таратуға жобалау құжаттамасын келісуге міндетті.

Сондай-ақ заңның 16-бабы 3-тармағының 22) тармақшасына сәйкес қауіпті өндірістік объектілері бар және (немесе) олардағы жұмыстарға тартылатын ұйымдар осы баптың 2-тармағына қосымша қауіпті өндірістік объектіні пайдалануға берген кезде мемлекеттік инспектордың қатысуымен қабылдау сынақтарын, техникалық куәландыруларды жүргізуге міндетті.

Жоғарыда баяндалғанның негізінде, «Алматы облысының Энергетика және сумен қамту басқармасы» ММ-і «Еңбекшіқазақ ауданы, Алға ауылында газбен жабдықтау және газ тарату желілерінің құрылысы» жобалық құжаттаманы келісуге және қауіпті өндірістік объектіні пайдалануға беру кезінде мемлекеттік инспектордың қатысуымен қабылдау сынағын, техникалық куәландыруды жүргізуге міндетті.

8

Еңбекшіқазақ ауданының әкімдігі

Ескерту мен ұсыныстар берілмеді

9

Алматы облысының жер ресурстарын басқару департаменті

Ескерту мен ұсыныстар берілмеді

10

Алматы қаласындағы ҚР ИДМ Геология және жер қойнауын пайдалану комитетінің «Оңтүстікқазжерқойнауы» Оңтүстік Қазақстан өңіраралық геология және жер қойнауын пайдалану департаменті 

Қазақстан Республикасы Экологиялық кодексінің 68-бабының 5-тармағы 2-тармашасына сәйкес бастамашы осы баптың 2-тармағына сәйкес барлық қажетті мәлімет қамтылған, белгіленіп отырған қызмет туралы өтініш берген жағдайда, белгіленіп отырған қызмет туралы өтінішті ресми интернет-ресурста орналастырады және оның көшірмесін тиісті мүдделі мемлекеттік органдарға жібереді.

Мүдделі мемлекеттік органдар деп осы параграфта қоршаған ортаны қорғау саласындағы уәкілетті органның ведомстволары, денсаулық сақтау саласындағы уәкілетті орган, өз құзыретінің саласына белгіленіп отырған қызметтің құрамына кіретін қызметтің бір немесе бірнеше түрін реттеу, осындай қызмет түрлері үшін рұқсаттар беру немесе хабарламалар қабылдау жататын мемлекеттік органдар, сондай-ақ қатысы бар аумақтың шегінде толық немесе ішінара орналасқан әкімшілік-аумақтық бірліктердің жергілікті атқарушы органдары түсініледі.

Қазақстан Республикасының «Жер қойнауы және жер қойнауын пайдалану туралы» кодексінің 64-бабына сәйкес жер қойнауын зерттеу жөніндегі уәкілетті орган жер қойнауын геологиялық зерттеу және жер қойнауы кеңістігін пайдалану саласындағы мемлекеттік саясатты жүзеге асырады.

Сонымен қатар, Қазақстан Республикасы өнеркәсіп және құрылыс министрлігінің Геология комитеті (бұдан әрі – Геология комитеті) Төрағасының 2023 жылдың 6 қазандағы №95-НҚ бұйрығымен бекітілген Ереженің 1-тармағына сәйкес «Оңтүстікқазжерқойнауы» ӨД Геология комитетінің Алматы, Жетісу, Жамбыл, Қызылорда және Түркістан облыстарының, сондай-ақ Республикалық маңызы бар Алматы және Шымкент қалаларының аумақтарында мемлекеттік геологиялық зерттеу, минералдық-шикізат базасын молайту салаларында функцияларды жүзеге асыратын аумақтық бөлімшесі болып табылады.

Жоғарыда аталғандарды негізге ала отырып, жоғарыда көрсетілген нормативтік-құқықтық актілерге сәйкес Қазақстан Республикасының Экологиялық кодексінің 1-қосымшасының 2-бөлімінде көзделген қызметтің құрамына кіретін қызметтерді жүзеге асыру «Оңтүстікқазжерқойнауы» ӨД функциясына кірмейтінін хабарлайды.

Қазақстан Республикасы Әкімшілік рәсімдік-процестік кодексінің 22-бабы 2-тармағының 5-тармақшасына және 91-бабы 1-тармағына сәйкес әкімшілік рәсімге қатысушы әкімшілік актіні қабылдауға байланысты емес әкімшілік актіге, әкімшілік әрекетке (әрекетсіздікке) әкімшілік (сотқа дейінгі) тәртіппен шағымдануға құқылы.

Осыған байланысты, әкімшілік органның шешімімен келіспеген жағдайда, сіз оған жоғары тұрған органға (жоғары тұрған лауазымды адамға) шағымдануға құқылысыз.

11

Алматы облысының ветеринария басқармасы

Алматы облысының ветеринария басқармасы, Сіздің 2025 жылғы 18 шілдедегі № 05-16/3925 хатыңызға сәйкес, «Алматы облысының энергетика және сумен жабдықтау басқармасы» мемлекеттік мекемесінің  мүмкін болатын әсерлер туралы жобалық есебін қарастырып, келесідей хабарлайды.

Алматы облысы Еңбекшіқазақ ауданы Саймасай, Жаңашар, Амангелді ауылдары аумағында ескеру қажет келесідей нысандар бар:

Байтерек Участок «с. Байтерек» - В/02/0012 Сібір жарасының көміндісі. Кадастрлық номері  - 3259015129.

Саймасай Участок «с. Саймасай» - В/02/0028-29-30 Сібір жарасының көміндісі. Кадастр № 03044052599

Қазақстан Республикасы Денсаулық сақтау министрінің міндетін атқарушының 2022 жылғы 11 қаңтардағы № ҚР ДСМ-2 бұйрығының 11-бөлімінің 45-тармағына сәйкес, «Тіршілік ету ортасы мен адам денсаулығына әсер етуі мүмкін объектілердің санитариялық-қорғау аймақтарына қойылатын санитариялық-эпидемиологиялық талаптарға» сай, I-санаттағы объектілер үшін санитариялық-қорғау аймағының радиусы 1000 метрді құрайды. Бұл санатқа бұрын жерленген сібір жарасы бар малдың көмінділері, арнайы шұңқырларға көмілген немесе биологиялық камералары бар мал қорымдары жатады.

Сондай-ақ, Қазақстан Республикасының «Сәулет, қала құрылысы және құрылыс қызметі туралы» 2001 жылғы 16 шілдедегі № 242 Заңының 58-бабы 2-тармағына сәйкес, санитариялық-қорғау аймағында оның түріне және көлеміне қарамастан тұрғын үйлерді, білім беру ұйымдарын, денсаулық сақтау және демалыс мекемелерін, спорттық-сауықтыру нысандарын, бау-бақша және саяжай телімдерін орналастыруға, сондай-ақ ауыл шаруашылығы өнімдерін өндіруге жол берілмейді.

Осы орайда аталған сібір жарасы көміндісінің санитарлық-қорғаныш аймағын сақтап, жобаны жүзеге асыру барысында ескеру қажеттілігін хабарлаймыз.

12

Алматы облысы экология департаменті

1.                 Қазақстан Республикасының 2021 жылғы 2 қаңтардағы № 400-VI ҚРЗ Экологиялық кодексінің (бұдан әрі – ҚР ЭК) 88-бабы 1-тармағының 2) тармақшасына сәйкес объектіні салу және (немесе)пайдалану жөніндегі жобалау құжаттамасына қатысты мемлекеттік экологиялық сараптама жүргізуді қамтамасыз ету;

2.                 Осы қорытындыда көрсетілген атмосфералық ауаға ластаушы заттар шығарындыларының көлемдерінен, жинақтағышқа ластаушы заттар шығарындыларының көлемдерінен, сондай-ақ қалдықтардың түзілу көлемдерінен аспауға тиіс;

4.                 Жобалық құжаттама "азаматтық қорғау туралы"Қазақстан Республикасының 2014 жылғы 11 сәуірдегі № 188-V 3PK Заңының 16-бабына сәйкес азаматтық қорғау және өнеркәсіптік қауіпсіздік саласындағы уәкілетті органмен келісілсін;

5.                 ҚР ЭК №4 қосымшасына сәйкес қоршаған ортаны қорғау жөніндегі іс шаралар көзделсін;

6.                 Осы қорытындыда көзделген су қорғау іс-шараларын, сондай-ақ ҚР ЭК 223 және 224-баптарын сақтау;

7.                 ҚР ЭК 319, 320, 321-баптарында көзделген қалдықтарды жинау, жинақтау және басқару жөніндегі экологиялық талаптарды сақтау;

8.                 ҚР ЭК 329-бабының 1-тармағына сәйкес қоршаған ортаны қорғау және Қазақстан Республикасының орнықты дамуын қамтамасыз ету мүддесінде қалдықтардың пайда болуын болдырмау және пайда болған қалдықтарды олардың артықшылығының кему тәртібімен басқару жөніндегі шаралар иерархиясын қолдану;

9.                 Ластаушы заттардың су мен топыраққа ауысуын (ағып кетуін) болдырмау үшін отынмен толтыруды және техниканы жөндеуді, сондай-ақ қалдықтардың жиналуын тек арнайы жабдықталған немесе мамандандырылған орындарда жүзеге асыру қажет.

10.               ҚР ЭК 228, 237, 238-баптарында көзделген жерді қорғау туралы жалпы ережелерді, жерді пайдалану және оңтайлы жер пайдалану кезіндегі экологиялық талаптарды сақтау;

11.               Қазақстан Республикасы Жер Кодексінің 140-бабында көзделген жерді қорғау жөніндегі іс-шаралардың сақталуын қамтамасыз ету;

12.               Өсімдіктер мен жануарлар дүниесін көзделіп отырған қызметтің теріс әсерінен қорғауға бағытталған іс-шаралардың, сондай-ақ ҚР ЭК 240-бабына сәйкес биоәртүрлілікті сақтау жөніндегі талаптардың сақталуын қамтамасыз ету;

13.               Осы қорытындыда белгіленген қызметті іске асыру кезінде қоршаған ортаға жағымсыз әсерлердің алдын алу, қысқарту және (немесе) жұмсарту жөніндегі іс-шараларды сақтау;

14.               ҚР ЭК 77-бабына сәйкес ықтимал әсерлер туралы есепті құрастырушы, бастамашы қоршаған ортаға әсерлер туралы алынған мәліметтерді жасырғаны және қоршаған ортаға әсерді бағалауды жүргізу кезінде анық емес мәліметтерді ұсынғаны үшін Қазақстан Республикасының заңдарында көзделген жауаптылықта болады.