Алматы облысы бойынша Ішкі мемлекеттік аудит департаментінің төралығымен Алматы облысының дене шынықтыру және спорт басқармасының басшылығымен, бағынысты мекемелерімен сенімді қаржылық есептілікті жасау жөнінде жиын өтті.

       2024 жылдың 17 қаңтарында Алматы облысының спорт және дене шынықтыру басқармасына қарасты ұйымдардың есепшілерінің Қонаев қаласында өткен жиналысы назар аударарлық оқиғалардың бірі болды. Бухгалтерлік есеп мәселелерін талқылауға арналған конференцияға 30-дан астам адам қатысты.

       2023 жылдың бірінші жартыжылдығы бойынша шоғырландырылған қаржылық есептілікке мемлекеттік аудит жүргізілген уақыттан бері жүйелі түрде қайталанатын бірқатар бұзушылықтар мен кемшіліктер анықталды. Конференцияға сұрақтарға жауап беруші және талқылаушы ретінде Алматы облысы бойынша Ішкі мемлекеттік аудит департаментінің мамандары шақырылды.

      Баяндамашылар тарапынан бірқатар жүйелі бұзушылықтарға елеулі назар аударылды, бухгалтерлердің бухгалтерлік есепті жүргізудегі ой-өрісін кеңейту жәнеде осыған байланысты заң ғылымын білуге ​​қатысты қажеттілігіне көп көңіл бөлінді. Қызметкерлерге еңбекақы төлеу және басқада төлемдердің есептеулері мен дұрыстығы, олардың нормативтік талаптарға сәйкестігі, сол сияқты № 1193 Қаулы жүйесінің нормаларын екі жақты түсіндіруге қатысты және тұжырымдамалық «қосымша төлемдер» және «үстемеақылар» мәселесін түсіндіруде қатысушылар тарапынан ерекше қызығушылық туындады. Мүлікті, спорттық ғимараттарды есепке алудың және оларды түрі, класы және оларды тобы бойынша топтастырудың маңыздылығы атап өтілді. Сондай-ақ басқа да нақты бухгалтерлік есептеу мәселелері көтеріліп, талқыланды.

      Алматы облысының Спорт және дене шынықтыру басқармасының басшылығы Алматы облысы бойынша Ішкі мемлекеттік аудит департаментіне бухгалтерлік есептерді жүргізуде көрсеткен баға жетпес көмегі үшін алғысын білдіреді. Осындай іс-шаралар аясында мамандардың көкейкесті мәселелерді талқылай отырып, білім мен тәжірибе алмасуы жасалып жатқан жұмыстардың табысты болуын айқындайды.