«Олимп» кәсіпқой регби клубы» МКҚК: Қазақстан Республикасы, 040000, Алматы облысы, Талдықорған қаласы, Нестеров көшесі, 39-үй, 8(72 82) 30-18-16. Директоры ұйымның қаржы-шаруашылық қызметін басқарады, қабылданатын шешімдердің орындалуын, ұйымның теңгеріміндегі мүліктің қауіпсіздігі мен тиімді пайдаланылуын қамтамасыз етеді.
Конкурс қатысушысына қойылатын талап: мамандығы бойынша жоғары педагогикалық (дене тәрбиесі және спорт) білім, басқарушы лауазымдарда 5 жылдан кем емес жұмыс өтілінің немесе дене шынықтыру және спорт саласында 5 жылдан кем емес жұмыс тәжірибесінің болуы.
Конкурсқа қатысу үшін қажетті құжаттар: конкурсқа қатысу туралы өтініш, мемлекеттік және орыс тілдеріндегі түйіндеме, еркін түрде баяндалған өмірбаяны, білімі туралы құжаттардың көшірмелері, еңбек кітапшасының (болған жағдайда) не болмаса еңбек шартының немесе соңғы жұмыс орнынан жұмысқа қабылдануы және еңбек шартының бұзылуы туралы бұйрықтардан көшірме, белгіленген нысан бойынша денсаулық жағдайы туралы анықтама, сыбайлас жемқорлық бұзушылықтарының жоқтығы, сотталмағандығы туралы анықтама.
Конкурсқа қатысуға тілек білдірген тұлғалар үшін 040000, Талдықорған қ., Желтоқсан көшесі, 222-үй, 310-кабинет (3-қабат) мекенжайы бойынша құжаттарды қабылдау бұқаралық ақпарат құралдарында конкурсты өткізу туралы жариялаған күннен бастап, он бес күнтізбелік күн өткен соң аяқталады, байланыс телефондары: 8(7282) 255545.