Алматы облысы, Жамбыл ауданы, Ұзынағаш ауылында, “Отбасын қолдау орталығы” коммуналдық мемлекеттік мекемесі ашылды

Бұндай орталықтар 2023 жылы, Қарасай, Талғар, Еңбекшіқазақ, Іле аудандарымен Қонаев қаласында ашылған болатын. Ағымдағы жылы Жамбыл және Райымбек аудандарында ашылу жоспарланған.

Мемлекет басшысы - «Отбасындағы тұрмыстық зорлық-зомбылықтың алдын алу жұмысының тиімділігін арттыруға ерекше назар аудару және алдын алу шараларын кешенді түрде жүргізу қажет.
Бұл мәселе әділетті мемлекет құру үшін өте маңызды. Көптеген әлеуметтік кеселдің түп тамыры, соның ішінде қылмыс көбіне тұрмысы нашар отбасылардан бастау алады. Мұндай отбасылардағы зорлық-зомбылықтар балалардың сана-сезіміне және психикасына кері әсерін тигізеді деген болатын.

Мемлекет басшысының тапсырмасына сәйкес, “Отбасын қолдау орталықтары” өмірлік қиын жағдайда қалған отбасыларға кешенді қызмет көрсетіп келеді.

Халықтың әл-ауқатын жақсарту бойынша, орталық мамандары “Участок” жедел алдын алу шараларындағы анықталған, тұрмысы төмен, әр-түрлі қиыншылықтары бар отбасыларға заң аясында толыққанды қызмет көрсетуде.