Елордада Республикалық адвокаттар алқасының басшысын сайлау өтеді

Ағымдағы жылғы 26 қарашада Нұр-Сұлтанда Республикалық адвокаттар алқасының төрағасын сайлау өтеді, осыған байланысты Елордаға 17 облыстық адвокаттар алқасынан 120-ға жуық делегат келеді деп күтілуде. Бұл туралы "ҚазАқпарат"ХАА хабарлайды.

Сайлау науқанын Нұр-сұлтан қ., Алматы қ., Алматы, Ақмола және Қарағанды облыстарының алқаларынан 9 танымал және тәжірибелі адвокаттар жүргізді.

Басқаларының қатарында Ақмола алқасының адвокаты Ардақ Батиева да өз кандидатурасын ұсынды. Ол осы жұмада елордада Республикалық адвокаттар алқасының басшысы лауазымына сайлау өтетінін айтты. Бұл іс-шара осы жылдың жазында "Адвокаттық қызмет туралы" ҚР Заңына белгілі бір дәрежеде сот процесінде адвокатураның позициясын күшейткен өзгерістердің қабылдануымен де маңызды.

А.Батиеваның айтуынша, РКА-да басшылық лауазымға көптеген кандидатуралардың болуы көптеген адвокаттар өздерінің тәжірибелерін, осы саладағы білімдерін көрсетілетін қызметтердің сапасын арттыру, сондай-ақ адвокат мәртебесін арттыру үшін пайдалануға ниетті екенін айтады.

Карантиндік шаралардың жеңілдетілуін ескере отырып, сайлау "Жұмбақтас" қонақ үй-мейрамхана кешенінде өңірлік алқа делегаттарының жасырын дауыс беруі арқылы өтеді. Сайлау процесінің объективтілігін қамтамасыз ету мақсатында әрбір кандидаттан МТК төрағаларына 3 тәуелсіз байқаушы қатысады.

Сайлауалды бағдарламасында А.Батиева республикада адвокатура мәртебесін неғұрлым сапалы деңгейге көтеруге және адвокаттардың біліктілігін арттыру және қайта даярлау жөніндегі орталықты құру мүмкіндігі арқылы жаңа адвокаттардың біліктілігін арттыру туралы мәселені қарауға ниетті екенін атап өтті.

Сонымен қатар, А.Батиева адвокаттардың мемлекеттік тілді білуін арттырып, кез келген деңгейде, соның ішінде шет тілдерін пайдалана отырып қызмет көрсетуді қамтамасыз етуі маңызды екенін атап өтті.

Мемлекет басшысының Қазақстанның дамыған 30 елдің қатарына кіру қажеттігі туралы Жолдауын іске асыруды ескере отырып, қазақстандық адвокаттар кәсіби заң көмегін көрсету үшін халықаралық стандарттарға сәйкес және шет тілдерін білуі тиіс.