«Этносаралық тұрақтылық пен қоғамдық келісімді нығайтудағы интеркультурализмнің, медиацияның рөлі» семинар-тренингі

Қоғамдық медиаторлардың біліктілігін арттыру, медиация институтын дамыту мақсатында Алматы облысының «Қоғамдық келісім» мекемесінің ұйымдастыруымен ZOOM платформасында облыс медиаторлары үшін «Этносаралық тұрақтылық пен қоғамдық келісімді нығайтудағы интеркультурализмнің, медиацияның рөлі» семинар-тренингі және шеберлік сыныбы 15 қыркүйекте өткізілді.

Қазақстан халқы Ассамблеясының қоғамдық институт ретіндегі басты міндеті - қоғамдық келісімді және тұрақтылықты нығайту, мемлекеттік және азаматтық қоғам институттарының этносаралық қатынастар саласындағы өзара іс-қимылының тиімділігін арттыру.

 «Қазақстан халқы Ассамблеясын дамыту тұжырымдамасының мақсаттары ҚХА-ны одан әрі дамыту, қазақстандық патриотизм,  қағидаттары негізінде қоғамдық келісім мен жалпыұлттық бірлікті қамтамасыз ету, мемлекеттік тілдің, ұлтты тұрақты жаңғыртудың, сондай-ақ интеркультурализм саясатының біріктіруші рөлі болып табылады», -  деп атап өтті медиация кабинетінің жетекшісі, І.Жансүгіров атындағы Жетісу университетінің Заң ғылымдарының кандидаты, професор, жаттықтырушы-медиатор Бақыт Чингаева.

Семинар соңында қатысушылар өзара пікір алмасып, толғандырған сұрақтарға жауап алды.