«Алматы облысы аумақтарының қала құрылысын жоспарлаудың кешенді схемасы» жобасы әзірленді

«Қазақстан Республикасындағы сәулет, қала құрылысы және құрылыс қызметі туралы» Қазақстан Республикасы Заңының 44-бабына сәйкес «Алматы облысы аумақтарының қала құрылысын жоспарлаудың кешенді схемасы» жобасы әзірленді. Жобада 2045 жылға дейінгі мерзімде 20 әкімшілік бірлік аудан мен қаланың, 3 облыстық қаланың, 7 аудандық маңызы бар қаланың, 731 ауылдың және 246 ауылдық округтің шекаралары ескерілген.

Қазақстан Республикасы Үкіметінің 28.02.2020 ж. № 88 Қаулысымен бекітілген «Алматы қаласының агломерациясын дамыту жөніндегі 2030 жылға дейінгі өңіраралық іс-шаралар жоспарына» сәйкес Қарасай, Іле және Талғар аудандарының аумағында Үлкен Алматы айналма автомобиль жолына (ҮАААЖ) дейінгі қала құрылысын реттеудің ерекше аймағында (ЕҚРА) орналасқан Алматы облысы аумақтарының қала құрылысын жоспарлаудың кешенді схемасын әзірлеу аяқталды.

Қала құрылысын ерекше реттеу аймағы Алматы қаласының шекарасына іргелес аумақтар 10,0 – 15,0 км радиуста; жалпы ауданы - 35,6 мың га; оған кіретін елді мекендер саны-30, 2045 жылға дейінгі мерзімде.

Сонымен қатар ЕҚРА-дағы жалпы ауданы 8 117,5 га 10 қала құрылысы торабының егжей - тегжейлі жоспарлау жобасын (егжей-тегжейлі жоспарлау жобасын) әзірлеу бойынша жұмыстар аяқталды.

ЕҚРА  жобасын әзірлеу үшін облыс әкімінің және Талғар, Қарасай және Іле аудандары әкімдерінің өкімімен жобаны әзірлеу үшін бастапқы деректерді ұсыну жөніндегі жұмыс комиссиясы құрылды.

Функционалдық аймақтарға бөлуге, инженерлік және көлік инфрақұрылымының, қолданыстағы барлық негізгі және жобалық бағыттар бойынша Алматы қаласына кіру-шығу аймақтарының техникалық шешімдеріне сәулеттік келбетті қалыптастыруға («шетсіз қала») ерекше назар аударылды. 2030 жылға дейінгі мерзімде қала және ЕҚРА аумағында тұратын тұрғындарды әлеуметтік-мәдени тұрмыс объектілеріне жаяу жүргіншілерге барынша қол жеткізумен қамтамасыз ету.