Алматы облысында мемлекеттік сатып алудың жаңа тәртібі талқыланды
Жыл басынан өңірде мемлекеттік сатып алудың 62 000 лоты бойынша 482 миллиард теңгеге камералдық бақылау жүргізілді. Соның нәтижесінде 50 миллиард 554 миллион теңге сомаға мемлекеттік сатып алу туралы заңды бұза отырып, 2625 лот анықталды. Мұндай мәліметтерді Jetisý Media алаңында Алматы облысы бойынша ішкі мемлекеттік аудит департаменті басшысының орынбасары Азамат Мұсабек айтты.
Спикердің айтуынша, бұзушылықтарды жою үшін жоғарыда аталған департаментке 2625 хабарлама жіберілген.
"Ағымдағы жылдың бес айында ішкі мемлекеттік аудит департаментіне қазынашылық органдарында құрылған 10 камералдық нысанның шоттары мен кодтары бойынша шығыс операцияларын уақытша тоқтату туралы өкім жіберілді. Оның аясында нысандар шығыс операцияларын қойды", - дейді Азамат Мұсабек.
Департамент аудиторлық іс-шараларды жүргізуге және орындау туралы нұсқама тексерілетін органға жіберуге, ал орындалмаған жағдайда істі атқарушы биліктің қарауына беруге құзыретті екенін атап өткен жөн.
Сондай-ақ спикер ТЖ кезінде мемлекеттік сатып алуды жүзеге асыру үшін қандай шаралар қолданылғаны туралы айтты.
Қазақстан Республикасы Үкіметінің 2020 жылғы 20 наурыздағы қаулысымен бекітілген Мемлекеттік сатып алудың арнайы тәртібі дағдарыстық жағдай кезеңінде, яғни төтенше жағдай кезеңінде әрекет ететіні белгілі болды және Мемлекеттік сатып алудың өзге де тәртібін көздейді.
"Қаулыға сәйкес әлеуетті өнім берушілерге айыппұл санкциялары мен ТЖ енгізу салдарынан туындаған жағдайлар бойынша жосықсыз қатысушылардың тізіліміне енгізу шаралары қолданылмайды. Ал барлық тауарлар бірінші кезекте отандық тауар өндірушілер арасында ғана және Арнайы тәртіп шеңберінде баға ұсыныстарын сұрату тәсілімен ғана сатып алынады және мерзімі 3 күнге дейін қысқартылды. Баға ұсыныстарын беру мерзімі өткеннен кейін веб-портал баға ұсыныстарын автоматты түрде салыстыруды және баға ұсыныстарын сұрату тәсілімен мемлекеттік сатып алудың қорытындыларын шығаруды жүргізеді", - деп қорытындылады ол.
Атап өту қажет, бұл нормаларға сәйкес қаулылар мемлекеттік сатып алулар бойынша өткізілген арнайы тәртібі бойынша камералдық бақылауға жатпайды. Ал нақты орындалған шарттар бойынша төлем 5 күн ішінде жүзеге асырылады.