Бүгін, аудан әкімінің міндетін атқарушы Жусанбаев Ғалым Сәлімұлы аудан аумағында жүргізіліп жатқан бірқатар құрылыс нысандарын аралап, жұмыс барысын тексеріп шықты.

"GOLDEN SITY DS" ЖШС қолға алған Нарынқол ауылынан бой көтеріп келе жатқан жастар саябағының құрылыс жұмыстарының қазіргі таңда 70% аяқталды. Биылғы жылы халық игілігіне пайдалануға беріледі.

Сонымен қатар Ғалым Сәлімұлы Нарынқол ауылы әкімдігінің жаңа ғимаратының құрылыс алаңына барды. Бұл ғимараттыңда құрылыс жұмыстарын жоғарыда аталған "GOLDEN SITY DS" ЖШС жүргізуде. Бұл құрылыс нысанының да қазіргі уақытта 70% - дан астам жұмысы аяқталған.

Ғалым Сәлімұлы құрылыс нысандарындағы жұмыстардың кестеге сай әрі сапалы болуын компания өкілдеріне қатаң ескертті.

Райымбек ауданы әкімдігінің баспасөз қызметі