"Қазақстан Республикасының Президенті туралы" Қазақстан Республикасы Конститутциялық заңының 17 және 21-баптарына сәйкес және қоғамды одан әрі демократияландыру, халықты елде жүргізіліп жатқан реформалар туралы хабардар ету, жергілікті атқарушы органдардың ашықтығын, жауапкершілігін және есептілігін арттыру мақсатында аудан әкімі Құдайбергенов Нұржан Кеңесұлы Қостөбе және Нарынқол ауылы тұрғындарымен кездесу өткізді.

Кездесулер басында аудан әкімі Райымбек ауданының әлеуметтік - экономикалық дамуына қысқаша тоқталып өтті. Кездесулерде аудан басшысы халықпен тілдесіп, тұрғындардың көкейіндегі сұрақтарға жауап берді. Қостөбе ауылы бойынша қатты қалдықтарды тастайтын алаң мәселесі және ауыл ішінен өтетін облыстық маңызы бар жолға жол белгілерін орнату секілді бірқатар мәселелер көтерілді.

Сонымен қатар Нарынқол ауылы бойынша қала-ауыл арасындағы жолаушы тасымалын бір жолға қою, тұрғындардың ауыл ішіндегі тазалыққа көңіл бөлуі, жайлауға көшу мәселесі, тұрғындарға тиімді бағада бағуы және көрсетілген нормадан тыс азық - түлік бағасын көтерген кәсіпкерлер жұмысын бақылау сынды мәселелер талқыланды. Аудан әкімі Нұржан Кеңесұлы барлық мәселені өзі жеке бақылауына алып, тез арада заң жүзінде шешуге тырысатынын жеткізді.

Райымбек ауданы әкімінің баспасөз қызметі