Меню
"Біз барлық қазақстандықтарды біріктірудің басты факторы болып табылатын қазақ тілін одан әрі дамыту үшін барлық күш-жігерімізді салуымыз керек. Сонымен бірге, елімізде тұратын барлық ұлт өкілдерінің ана тілінде еркін сөйлеуіне, білім алуына, оны дамытуға қолайлы жағдай жасау қажет", — Қазақстанның Тұңғыш Президенті Назарбаев.
Облыстық тілдерді дамыту жөніндегі басқармасы Алматы облысы әкімдігінің 2004 жылғы 23 желтоқсандағы №187 қаулысымен құрылды.
2005 жылғы 13 қаңтарда «Алматы облысының тілдерді дамыту жөніндегі басқармасы» мемлекеттік мекемесі заңды тұлға ретінде Алматы облысының Әділет департаментінде тіркелген.
Басты міндеттері:
1) облыста бірыңғай тіл саясатының жүргізілуін қамтамасыз ету;
2) қоғамның экономикалық, қоғамдық-саяси, әлеуметтік, мәдени өмірінің барлық салаларында мемлекеттік тілдің қолданылуын қамтамасыз ету бөлігінде «Қазақстан Республикасындағы тіл туралы» Қазақстан Республикасының Заңын, Тілдерді дамыту мен қолданудың мемлекеттік бағдарламасын, оны іске асыру жөніндегі облыстық іс-шаралар жоспарын орындау және іске асыру бөлігінде қалалық және аудандық әкімдіктердің, өкілетті органдардың, тәуелсіз ведомстволарды мен бірлестіктердің, ұйымдар мен кәсіпорындардың қызметін үйлестіру;
3) Қазақстан Республикасы Президентінің және Үкіметінің, облыс әкімінің Басқарма құзырына қатысты мәселелері бойынша актілері мен тапсырмаларының орындалуын қамтамасыз ету;
4) ономастикалық комиссияның қызметін, «Қазақстан Республикасы Мәдениет және спорт министрлігінің Тілдерді дамыту және қоғамдық-саяси жұмыс комитеті» мемлекеттік мекемесі бекіткен терминдердің халық шаруашылығы мен әлеуметтік барлық салаларына енгізілуін қамтамасыз ету.