Қонаевта «Халық заңгері» акциясы өтті

Аталған акция еліміздің барлық ірі қалаларында ұйымдастырылуда.

Акцияның мақсаты – халықтың құқықтық сауаттылығын арттыру және тегін заң көмегін көрсету. Бүгін азаматтар еліміздің заң қоғамдастығындағы ең үздік өкілдерден тегін қажетті консультация алды. Олардың арасында белгілі адвокаттар, нотариустар, прокурорлар, тергеушілер, сот орындаушылары, мемлекеттік органдардың басшылары және басқалары болды.

Акцияны ұйымдастырушылар – ҚР Сыбайлас жемқорлыққа қарсы іс-қимыл агенттігі, Zakon.kz желілік басылымы, «Параграф» ақпараттық жүйесі, мемлекеттік билік органдары және Қазақстанның үздік заңгерлері мен адвокаттары.