Қосқұдық ауылында жаңа мектеп ашылды

Қосқұдық ауылында жаңа мектеп ашылды

Конституция күнін мерекелеуге орай, жаңа оқу жылы қарсаңында Қонаев қаласы Шеңгелді ауылдық округіндегі Қосқұдық станциясының оқушылары үшін жаңа мектеп ашылды.

Ашылу салтанатына Алматы облысының әкімі Марат Сұлтанғазиев, мемлекеттік қоғам қайраткері Қанат Бозымбаев, Қонаев қала әкімі Нұрлан Құматаев, сондай-ақ ақсақалдар, оқушылар мен жергілікті тұрғындар қатысты.

Іс-шара қонақтарына арнаған сөзінде Марат Сұлтанғазиев: "Бұл мектеп шағын болса да, облыстық деңгейдегі олимпиадалардың жеңімпаздарын шығарады. Мұнда оқитын балаларымыз тек жақсы оқиды және үлкен биіктерге жетеді деп үміттенемін".
Салтанатты шарада Алматы облысының бұрынғы әкімі, мемлекеттік қоғам қайраткері Қанат Бозымбаев та сөз алды

"Бүгін - мен үшін, бала-шағам үшін қуанышты күн. Осы уақытқа дейін бірнеше мектеп салынып жатқанда басы-қасында жүрдім. Үлес қосып жүрсем де, дәл қазіргідей толқыған емеспін. Өйткені, осы ауылда әкем Алдаберген туып өскен. Жаңа мектепті ұлым Дәурен салып беріп отыр. Оның бұл ісі - көңілімді көкке көтерді. Ауылдық мектепте балалар білім алып, өседі деген үміттеміз. Олар осы жерден үлкен өмірге қадам жасайды. Балаларымыз болашақта еліміздің мықты азаматтарының қатарында болатынына сенеміз", - деді Қанат Бозымбаев.

Оқушылар мен олардың ата-аналарының жүздері бүгін қуаныштан жарқырады, өйткені бұрын сабақтар 1952 жылы салынған мектепте өтті, ал бүгін оларды жаңа жиһаздармен, жабдықталған шеберханалармен және арнайы бөлмелермен кең сыныптар қарсы алды. “Халық игілігі" қоғамдық қорының есебінен тұрғызылған ғимарат барлық қажетті заттармен жабдықталған және 100 оқушыға есептелген. Сонымен қатар, Қор мектепке автокөлік сыйлап, сондай-ақ әлеуметтік санаттағы балаларды жаңа оқу жылына жинауға көмектесу туралы шешім қабылдады.

Мектеп "Халық игілігі" қорының өкілі мен облыс орталығының басшысы Нұрлан Құматаев арасында тиісті құжаттарға қол қою арқылы Қонаев әкімдігінің балансына берілді.
Қазақта сөз бар: “Жақсылық еккен алғыс орады" дейді, "Жақсылық жасаушы алғыс алады"дегенді білдіреді. Бұл шынымен де солай, өйткені жаңа мектеп ауыл тұрғындары үшін көптен күткен сыйлық ретінде көптеген жылдар бойы игілікке қызмет етеді.

Қосқұдық ауылының жалпы халық саны 767 адамды құрайды, оның 86-сы балалар.