Парламент Мәжілісінің депутаты Максим Рожиннің Алматы облысынан Қазақстан халқы Ассамблеясының мүшелерімен кездесуі Қонаев қаласының Мәдениет үйінде өтті

Кездесу барысында атап өтілгендей, әртүрлі деңгейдегі бірлескен жұмыс пен үйлестіру мемлекеттік реформаларды жоспарлы іске асыруға және Қазақстанда тұратын түрлі этностар өкілдерінің бірігуіне ықпал етеді. Қарқынды жұмыс пен бірлескен іс – қимыл жасау мүмкіндігі үшін жаңа облыс орталығы-Қонаев қаласында Достық үйін салу мәселесі талқыланды. "AMANAT" партиясы Алматы облыстық филиалының төрағасы Қуат Байғоджаев бұл мәселені шешу уақыт мәселесі екенін атап өтті, өйткені Қонаев қаласының бас жоспары бекітілгеннен кейін көптеген әкімшілік ғимараттар, мәдени және білім беру орталықтары, сондай-ақ әлеуметтік нысандар салу жоспарлануда.