Төтенше жағдайлар министрінің міндетін атқарушы Ибрагим Күлшімбаев Алматы облысының тұрғындарымен кездесу өткізу үшін Қонаев қаласына келді.

Сапар барысында Алматы облысы әкімдігінің ғимаратында жобалық компанияның өкілдері Қонаев қаласында Алматы облысы ТЖ департаментінің ғимаратын салу жобасының тұсаукесерін өткізді. Сондай-ақ ТЖ Министрінің міндетін атқарушы Күлшімбаев Ибрагим Дәукесұлы, облыс әкімінің орынбасары Құдайбергенов Нұржан Кеңесұлы, облыс мәслихатының төрағасы Байедилов Талғат Ескендірұлы, Алматы облысы ТЖД бастығы Тойчубеков Асқар Тасболатұлы, Алматы облысы ТЖД Ардагерлер кеңесінің төрағасы Кабылов Мират Өтегенұлы, Алматы облысы ТЖД бастығының орынбасары ТЖД Данияр Болатбекұлы Қасымов Қонаев қаласының алаңда орналасқан Дінмұхамед Ахметұлы Қонаев ескерткішіне гүл шоқтарын қойды. Сондай-ақ, И.Күлшімбаев ТЖ Департаменті, "СПиАСР" ММ және Департаменттің жедел-құтқару жасағы жалға алған ғимараттарды аралады.
Қонаев қаласының мәдениет үйінде өткізілген халықпен кездесу барысында И. Күлшімбаев жаңа облыс орталығын өртке қарсы қорғауға, шомылу маусымында Қапшағай су қоймасындағы қауіпсіздікке, Алматы облысының ТЖ алдын алу және сейсмикалық қауіпсіздікті қамтамасыз ету бойынша жүргізіліп жатқан жұмыстарға өзекті сұрақтарға жауап берді.
Сонымен қатар, И.Күлшімбаев өрт қауіпті және шомылу кезеңдерінің қауіпсіз өтуіне ерекше назар аударды. Министрдің міндетін атқарушы азаматтарды ТЖ кезіндегі тәртіп ережелерін сақтауға, ата-аналарды балаларды қараусыз қалдырмауға және олардың қауіпсіздігі жөнінде шаралар қабылдауға шақырды.
Есеп беру кездесуі аясында министрдің м.а. бұқаралық ақпарат құралдарына брифинг берді, үкіметтік емес ұйымдардың өкілдерімен кездесті, онда ведомствоның жұмысы, азаматтық қорғау жүйесін дамыту перспективалары, оның алдында тұрған міндеттерді шешу туралы айтты.
Содан кейін И. Күлшімбаев ТЖ алдын алу және жою саласына қатысты мәселелер бойынша жүгінген азаматтардың жеке қабылдауын өткізді.