Қосқұдық ауылында фельдшерлік-амбулаториялық пункт ашылды

Салтанатты рәсім бүгін қала басшысы Н.Құматаевтың, облыстық денсаулық сақтау басқармасы басшысының орынбасары Л.Серікбаеваның және қалалық көпсалалы аурухананың директоры А. Ракишеваның жеке қатысуымен өтті.
Қонаев қала әкімі Нұрлан Құматаев тұрғындарды көптен күткен медициналық пункттің ашылуымен құттықтады: "Мемлекет басшысы әлеуметтік салаға ерекше назар аударады: ірі қалаларда ғана емес, барлық жерде жаңарып, жаңа ғимараттар салынуда. Ауыл тұрғындарының өмір сүру деңгейі жоспарлы түрде жақсарып келеді. Мәселен, Қосқұдық ауылында жаңа мектеп салынуда, спорт және ойын алаңдары пайда болды... біз бір кездері шағын Қосқұдық станциясы жақын арада барлық қажетті инфрақұрылымы бар үлкен ауылға айналады деп сенеміз".
Алматы облысы Денсаулық сақтау басқармасы басшысының орынбасары Лейла Серікбаева өз сөзінде дәрігерлерге табысты және жемісті жұмыс, ал барлық қатысушыларға, әсіресе жергілікті тұрғындарға зор денсаулық тіледі.
Қалалық көпсалалы аурухананың директоры Айман Ракишева қала әкімі Н.Құматаевқа қолдау көрсеткені және жұмысқа көмектескені үшін алғысын білдірді.
Ашық блокты-модульдік медициналық пункт ауылдық жерлерде-Ауылдық Дәрігерлік учаске құрамында немесе аурухананың басшылығымен жеке медициналық пункт ретінде жедел медициналық көмек көрсетуді жүзеге асыратын дербес емдеу — профилактикалық мекеме болып табылады. Қоскұдық ауылының тұрғындарының жалпы саны 708 адам болса, ФАП бір ауысымда 9 адам келуге есептелген.