ҚР Денсаулық сақтау Министрі жұмыс сапарымен Алматы облысының тұрғындарымен кездесті. Кездесу Қонаев қаласының Мәдениет үйінде өтті.

Ажар Ғиният республиканың денсаулық сақтау саласы қызметінің 2022 жылғы нәтижелері және 2023 жылға арналған жоспарлары туралы баяндама жасады. Ол өткен жылмен салыстырғанда облыс бойынша туу көрсеткіші 13% - ға артқанын, сондай-ақ ана өлімі фактілері 3 есеге төмендегенін атап өтті.
Сондай-ақ, ТМККК тізбесіне сәйкес дәрілік препараттарды қабылдайтын пациенттер саны артты.
2023-2025 жылдарға арналған онкологиялық қызметті жаңғырту жөніндегі кешенді жоспар шеңберінде облыста 250 төсектік жаңа онкологиялық церт салу жоспарлануда.
Өткен жылы Ана мен баланы қорғау желісі бойынша "Аңсаған сәби" бағдарламасы бойынша ЭКҰ-ға 7000 квота бөлінді, оның 553-і Алматы облысына тиесілі. Сонымен қатар Қаскелең қаласында заманауи перинаталдық орталық салынады.
"Ауылдық денсаулық сақтауды жаңғырту" ұлттық жобасын іске асыру шеңберінде ағымдағы жылы 84 заманауи жабдықтармен жарақтандырылатын 38 МСАК нысанын пайдалануға беру жоспарлануда.
Кадрлардың жетіспеушілігі мәселесін шешу үшін Үкімет қолдау шарасы ретінде дәрігерлердің жалақысын (30% - ға) және орташа балды тұрақты негізде көтеріп отырады. Сонымен қатар, әкімдіктердің қатысуымен жергілікті жерлерде тұрғын үй мәселелері қаралады.