Қонаев қаласында "DAMU"кәсіпкерлікті дамыту қорының өңірлік филиалы ашылды

Үкіметтің негізгі қаржы агенті - "DAMU" кәсіпкерлікті дамыту қоры" АҚ қызметінің географиясын кеңейтуге байланысты "Бәйтерек" ҰБХ " АҚ еншілес ұйымы Алматы облысы бойынша Қонаев қаласында өңірлік филиалының кеңсесін ашты.
Ашылу салтанатына облыс басшысы Марат Сұлтанғазиев, "Бәйтерек "ҰБХ" АҚ Басқарма төрағасы Қанат Шарлапаев, "DAMU "КДҚ" АҚ Басқарма төрағасы Гаухар Бөрібаева қатысты.
Алматы облысы бойынша "DAMU"КДҚ" АҚ РФ директоры Светлана Назарюк қонақтарға экскурсия жүргізіп, қызметтің негізгі бағыттары туралы айтып берді.
Қордың жұмысы сыйақы мөлшерлемесін субсидиялау, кредиттер бойынша кепілдендіру, Екінші деңгейдегі банктер, микроқаржы ұйымдары және лизингтік компаниялар арқылы жеңілдікті кредиттеу, сондай-ақ клиенттерді оқыту және сүйемелдеу бағыттары бойынша жүргізіледі.
2022 жылы "DAMU" қолдауымен іске асырылған мемлекеттік бағдарламалардың арқасында кәсіпкерлердің 50,5 мыңнан астам идеясы іске асырыла алды. Кәсіпкерлердің кредиттері бойынша пайыздық мөлшерлемені субсидиялау құралдарымен 24,5 мың жоба, кепілдік беру құралдарымен – 20,8 мың жоба, жеңілдікпен қаржыландыру тетігімен – 5,2 мың жоба қамтылды. Несиелердің жалпы сомасы 1,5 трлн теңге. астам болды. Осы соманың 63,3% -ы инвестициялар, яғни қаражаттың жартысынан көбі жаңа жобаларды дамытуға және Қазақстандағы қолданыстағы өндірістерді жаңғыртуға бағытталған.
Егер Қордың барлық кезеңі туралы айтатын болсақ, онда 1997 жылдан 2022 жылға дейін Қазақстан Республикасының барлық өңірлерінде жалпы кредит сомасы 10,5 трлн теңге болатын 184,7 мыңнан астам кәсіпкерлер жобасына қолдау көрсетілгенін атап өтуге болады.
Кәсіпкерлер санының өсуі бәсекелестіктің артуына алып келеді және нарықты сыртқы нарықтарда бәсекеге қабілеттілікті құра алатын сапалы өнімдермен қанықтыруға алып келеді.