Азаматтарды қабылдауды Қапшағай қаласы әкімдігінің Әдеп жөніндегі уәкілі жүргізді

 Қазақстан Республикасы Президентінің «Мемлекеттік қызметшілердің әдептілік нормалары мен мінез-құлық қағидаларын одан әрі жетілдіру шаралары туралы» Жарлығына енгізілген өзгерістер барлық жерде талқылануда. Мемлекеттік қызметкерлердің кеңселерінде ғана емес, қарапайым азаматтар арасында да бұл тақырып өзекті.

Әрине, бұл Жарлық бірінші кезекте тікелей мемлекеттік қызметшілерге қатысты. Ал кейбір тармақтар сұрақ тудырмаса, басқалары нақты жағдайды, яғни адамның көпшілік ортада өзін ұстауы, мінез көрсетпеуі қатаң назарға алынған.

Қапшағай қаласы әкімі аппаратының басшысы, әдеп жөніндегі уәкіл Ертай Серікболұлы азаматтарды қабылдау өткізді.

Отырыста мемлекеттік көрсетілетін қызметтердің бірі ретінде «Алтын алқа» және «Күміс алқа» алқаларымен марапаттау туралы өтініш беру мүмкіндігін қарастыру туралы ұсыныс енгізілді. Бұл өтінішті тезірек қарауға, сондай-ақ қызметкерлерге түсетін жүктемені азайтуға мүмкіндік береді. Сондай-ақ өтініштерді қарау уақытын қысқартуға болады.

Екінші сұрақ мемлекеттік қызметшілердің қызметтік міндеттерін орындау кезіндегі, сондай-ақ жұмыс уақытынан тыс уақыттағы тәртібіне қатысты болды.

Қалалық әкімдік ғимаратында жөндеу жұмыстарын жүргізетін жұмысшыларға арнайы киім-кешек беріле ме, жоқ па деген сұраққа техникалық қызметкерлердің өкілі қызығушылық танытты.

Жиналғандардың барлығы өз өтініштеріне толыққанды жауаптар алды. Айтылған ұсыныстардың кейбірі түпкілікті шешім қабылдау үшін қаралады.