"Қапшағай қаласының қаржы бөлімі" мемлекеттік мекемесі Сізге 2020-2022 жылдарға арналған бюджет туралы ақпарат береді. Халықаралық тәжірибеде мұндай ақпарат Азаматтық бюджет деп аталады.
Мұндай форматта ақпарат алғаш рет орналастырылады.
Бұдан әрі жұртшылықтың пікірін ескере отырып, ақпарат беру форматы пысықталатын, жетілдірілетін және мезгіл-мезгіл жаңартылатын болады. Өз тарапымыздан сізден ұсыныстар күтеміз. "Қапшағай қаласының қаржы бөлімі" мемлекеттік мекемесінің 2020-2022 жылдарға арналған бюджеті Қазақстан Республикасының Бюджет және Салық кодекстеріне, Қазақстан Республикасы Президентінің Қазақстан халқына Жолдауларында қойылған міндеттерге, Қапшағай қаласының әлеуметтік-экономикалық дамуының 2019-2023 жылдарға арналған болжамына, кірістерді болжау әдістемесіне сәйкес қалыптастырылды және Қапшағай қалалық мәслихатының 2019 жылғы 26 желтоқсандағы "Қапшағай қаласының 2020-2022 жылдарға арналған бюджетін бекіту туралы" №63-227 шешімі бекітілді».