Алматы облысының Қапшағай қаласында коммуналдық қызметтерді ұсыну және тұтыну Қағидалары

1. Жалпы ережелер
2. Осы Қағидалар «Тұрғын үй қатынастары туралы», «Электр энергетикасы туралы» Қазақстан Республикасының заңдарына, Қазақстан Республикасы Энергетика министрінің 2014 жылғы 18 желтоқсандағы № 211 бұйрығымен бекітілген жылу энергиясын пайдалану қағидаларына (нормативтік құқықтық актілерді мемлекеттік тіркеу тізілімінде № 10234 болып тіркелген), Қазақстан Республикасы Энергетика министрінің 2015 жылғы 25 ақпандағы № 143 бұйрығымен бекітілген электр энергиясын пайдалану қағидаларына (Нормативтік құқықтық актілерді мемлекеттік тіркеу тізілімінде № 10403 болып тіркелген), Қазақстан Республикасы Индустрия және инфрақұрылымдық даму Министрінің м. а. 2020 жылғы 29 сәуірдегі № 249 бұйрығымен бекітілген Коммуналдық қызметтер тізбесіне және коммуналдық қызметтер көрсетудің Үлгілік қағидаларына (Әділет министрлігінде 2020 жылы 30 сәуірде 20542 нөмірімен тіркелген) сәйкес әзірленді және коммуналдық қызметтерді көрсету және төлеу тәртібін, шарттарын, сондай-ақ тұтынушылар мен жеткізушілердің құқықтары мен міндеттерін белгілейді. Осы Қағидаларда жарияланбаған газбен жабдықтау, электр-энергиямен жабдықтау және жылумен жабдықтау, қоқысты шығару және лифтілерге қызмет көрсету бойынша коммуналдық қызметтерді ұсынумен байланысты мәселелер қолданыстағы заңнамамен реттеледі.
3. Осы Қағидаларда келесі негізгі ұғымдар пайдаланылады:

      1) коммуналдық қызметтер-тұрғын үйде (тұрғын ғимаратта) көрсетілетін және сумен жабдықтауды, кәрізді, газбен жабдықтауды, электрмен жабдықтауды, жылумен жабдықтауды, қоқысты жинау мен шығаруды және лифт қызметін көрсетуді қамтитын қызметтер;

      2) кондоминиум объектісі-жеке және заңды тұлғалардың, мемлекеттің дара (бөлек) меншігіндегі тұрғын және тұрғын емес үй-жайлардан және ортақ үлестік меншік құқығымен өздеріне тиесілі ортақ мүліктен тұратын бірыңғай мүліктік кешен;

      3) кондоминиум объектісін басқару органы-кондоминиум объектісін басқару жөніндегі функцияларды жүзеге асыратын жеке немесе заңды тұлға;

      4) тұтынушы - өнім берушілер тиісті аумақта көрсететін қызметтерді пайдаланатын жеке немесе заңды тұлға;

      5) Өнім беруші-өтеулі негізде қызметтер көрсететін, тауар өткізетін (жеткізетін) жеке немесе заңды тұлға;

      6) Энергиямен жабдықтаушы ұйым-сатып алынған электр және(немесе) жылу энергиясын тұтынушыларға сатуды жүзеге асыратын ұйым;

      7) Энергия беруші ұйым – шарттар негізінде электр немесе жылу энергиясын беруді жүзеге асыратын ұйым.