Жаңа жыл қарсаңында ұйымдастырылған қайырымдылық шарасы

Қарасай ауданында Алматы облыстық мәслихатының депутаттары М.Бигелдиев, Р. Өтембаев, А. Құнанбаева, Ж. Бектасов, Ж. Жазықпаева және Е. Жақсыбаев “Rakhym” орталығының ұжымымен бірлесіп, мүмкіндігі шектеулі балалар мен жасөспірімдерге жаңа жыл мерекесіне орай арнайы шара ұйымдастырды.

Бұл шара әрбір баланың жаңа жыл мерекесіне деген қуаныш пен үміт сыйлауға бағытталған, сондай-ақ оларды қоғамның бір бөлшегі ретінде сезіндіру мақсатында ұйымдастырылды.

Ұйымдастырушылар балаларға арнайы әзірленген сыйлықтарын табыс етіп, олардың рухани әрі әлеуметтік дамуына септігін тигізетін әртүрлі ойындар мен концерттік номерлер ұйымдастырды. Бұл іс-шара балалардың шығармашылық қабілеттерін дамытуға, өзара қарым-қатынас дағдыларын қалыптастыруға мүмкіндік берді. Сонымен қатар, балалардың көңіл-күйін көтеріп, олардың өмірге деген ерекше көзқарасын қалыптастыруға зор ықпал етті.

Осындай қайырымдылық шаралары қоғамның әлсіз топтарын қолдау және оларға назар аудару мақсатында аса маңызды болып табылады. Бұл іс-шара мүмкіндігі шектеулі балаларға тек жаңа жыл мерекесінің қуанышын бірге атап өтуге мүмкіндік беріп қана қоймай, олардың қоғамда өз орындарын табуына ықпал етеді. Жаңа жылды осындай ерекше жағдайда атап өту балалардың болашаққа деген сенімін арттырып, өмірге деген құштарлықтарын нығайтады.