Алматы облысы мәслихатының экономика, бюджет, құқық тәртібі, сыбайлас жемқорлыққа қарсы күрес және депутаттық әдеп мәселелері жөніндегі тұрақты комиссиясының отырысы өтті

Тұрақты комиссияның күн тәртібінде Алматы облысының 2024-2026 жылдарға арналған облыстық бюджетіне өзгерістер енгізу туралы мәселе қаралды. Облыстық экономика және бюджеттік жоспарлау басқармасының басшысы А.Ораз баяндама жасады.

Ол баяндама барысында:

- мектепке дейінгі ұйымдарда мемлекеттік білім беру тапсырысын іске асыруға;

- ауыл шаруашылығы саласы бойынша өсімдік шаруашылығын субсидиялауға;

- мұғалімдердің жалақы қорына;

- халықтың әлеуметтік осал топтары үшін тұрғын үйді сатып алуды қоса қаржылардыруға;

- техникалық және кәсіптік білім беру ұйымдары қызметкерлерінің жалақысына сондай-ақ оқушылардың тамақтануын қамтамасыз етуге және шәкіртақысын төлеуге;

- жас отбасыларды қолжетімді баспанамен қамтамасыз етуге және олардың әлеуметтік жағдайын жақсартуға бағытталған «Алатау Жастары» бағдарламасын іске асыруға;

- облыстың даму бюджетінің шығыстары бойынша құрылыс жұмыстарын аяқтауға қомақты қаржы қарастырылды.