Алматы облыстық мәслихат депутаты Сұлтан Нұрдаулетов Талғар ауданындағы Төңкеріс ауылында салынып жатқан "Жайлы мектеп" құрылысының барысымен танысты

Алматы облыстық мәслихат депутаты Сұлтан Нұрдаулетов Талғар ауданы Панфилов ауылдық округінің Төңкеріс ауылында салынып жатқан 600 орындық "Жайлы мектеп" құрылысының барысымен танысып қайтты.

Қазіргі уақытта жүргізіліп жатқан құрылыс жұмыстарының жағдайы:

• Бетон жұмыстары аяқталған.
• Қабырғаларды кірпішпен қалау жұмыстары 1-2 қабатта аяқталды.
• Екі ұң,ыма бұрғылануда; оларды осы аптада аяқтау жоспарланып отыр.
• Су жинайтын 2 орын дайындалды.
• Сыртқы жұмыстар жүргізілуде.
• Кәріз жүйесінің қалдықтарын жинайтын орын қазылды.

Қазіргі таңда құрылыс алаңында 80 адам жұмыс жасауда. Мердігер құрылыс жұмыстары белгіленген мерзімде аяқталатынын мәлімдеді.

Бас мердігер: "ЖАҢА ҚАЗАҚСТАН ҚҰРЫЛЫС" ЖШС. Құрылыстың аяқталу мерзімі 2024 жылдың желтоқсан айы. Ғимараттың жалпы ауданы: 8921,9 м².