«AMANAT» партиясының Алматы облыстық филиалында облыстық мәслихат төрағасы Талғат Ескендірұлы Байедилов қоғамдық қабылдау өткізді

Қоғамдық қабылдауға келген облыс тұрғындары мектеп құрылысы, жылыту жүйесі, көше жолдарын салу және жарықтандыру, инфраструктура мәселелерін көтерді.

Мәселен, Қарасай ауданының тұрғыны Кемертоған ауылындағы 1 200 орындықты мектептің тарлығын айты. Оның айтуынша Кемертоған орта мектебінде қазіргі уақытта 5 мыңнан аса бала оқиды. «Сондықтан мектепте тәртіп жоқ, күнде бала жоғалып қалады, тазалық жоқ, білім сапасы өте нашар», - деп шағымданды.

Талғат Байедилов қабылдауға жазылған облыс жұртшылығының өтініштерін мұқият тыңдап, заң аясында түсіндірме жұмыстарын жүргізді.

Тиісті мекемелер мен бөлімдермен бірлесіп отырып мәселелердің шешу жолдары қарастырылды.