Алматы облысының маслихат хатшысы мектеп құрылысымен танысып қайтты

21 шілде күні Алматы облыстық маслихатының хатшысы Даулет Жарасбаев Қонаев қалалық маслихатының хатшысы Сәуле Нұрсолтанова және «Amanat» партиясы Қонаев қалалық филиалының атқарушы хатшысы Жеңіс Төребековпен бірге Қонаев қаласының 10-шы шағын ауданында салынып жатқан мектептің құрылысымен танысты.

Мердігер компания ТОО «Корпорация Ақ орда»  900 балаға арналған мектеп құрылысы 50% аяқталды деген ақпарат берген болатын, бірақ, жұмыстың 25-30% ғана аяқталғанына көз жеткіздік. Ақпарат бойынша 140 адам жұмылдырылды деген нысанда  70 құрылысшы жұмыс жасауда.

Сондай-ақ, 2-3 айға кешігіп жатқан құрылыс нысанының кейбір тұстарында олқылықтар байқалады.

Кемшіл тұстарын жөндеуге бір апта уақыт берілді. Алдағы уақытта бұл нысан құрылысы «Amanat» партиясының бақылауында болады.