Алматы облысында жаңа дене шынықтыру-сауықтыру кешені ашылды
Елбасы Нұрсұлтан Назарбаевтың еліміздегі спорт нысандарының санын арттыру және оларды тиімді пайдалану туралы тапсырмасын, сондай-ақ Мемлекет басшысының бұқаралық спорт пен дене шынықтыруды дамыту туралы Жолдауын іске асыру аясында Алматы облысы Ескелді ауданында 140 орындық жаңа дене шынықтыру-сауықтыру кешені өз есігін айқара ашты.
Айта кету керек, бұл өңірдегі 10-шы ДСК, ал келесі жылдың басында тағы жеті дене шынықтыру нысанының құрылысын аяқтау жоспарлануда, оның ішінде Талдықорған қаласындағы жабық жүзу бассейні және Жансүгіров, Нарынқол, Бақанас, Достық, Балпық би және Шонжа ауылдарындағы спорт кешендері бар.
Eкі қабатты ғимаратта командалық ойындар, күрес, бокс, шешіну, жаттықтырушы залдары, сондай-ақ тренажер залы бар. Бұдан басқа, медициналық және массаж кабинеттері, мүкәммал, әкімшілік үй-жайлары, гардеробы бар буфет және вестибюль бар. Әмбебап залда 124 адамға арналған көрермендер трибунасы қарастырылған. Дене шынықтыру-сауықтыру кешенінің барлық үй-жайлары стандарттардың заманауи талаптарына сәйкес келетін қажетті жабдықпен және жиһазбен жабдықталған. Штаттық кестеге сәйкес ДСК 33 қызметкерге есептелген және тәулігіне 140 адамды қабылдай алады.