Сұрақ: Салынған объектіні пайдалануға қабылдау қалай жүзеге асырылады?
Жауап :
«Құрылыс объектілерін пайдалануға қабылдау» Қазақстан Республикасындағы сәулет, қала құрылысы және құрылыс қызметі туралы"2001 жылғы 16 шілдедегі № 242 Қазақстан Республикасы Заңының 11-тарауымен регламенттеледі.
Қазақстан Республикасындағы сәулет, қала құрылысы және құрылыс қызметі туралы"Заңның 11-тарауының 73-бабына сәйкес,
Объектіні қабылдау мен пайдалануға беруді Тапсырыс беруші ол толық дайын болған кезде бекітілген жобаға сәйкес және келесі құжаттар бар болғанда жүргізеді:
- Сәйкестік туралы декларациялар,
- Құрылыс-монтаждау жұмыстарының сапасы туралы қорытындылар,
- Орындалған жұмыстардың бекітілген жобаға сәйкестігін растау.
Салынған объектінің толық дайын екендігі құрылыс салуды ұйымдастыру қағидалары мен рұқсат беру рәсімдеріне сәйкес айқындалады. Сәйкестік декларациясы, құрылыс-монтаж жұмыстарының сапасы туралы қорытындылар және орындалған жұмыстардың жобамен сәйкес екені негізінде тапсырыс беруші мердігермен (бас мердігермен), техникалық және авторлық қадағалаулар қатысуымен міндетті түрде:
- Техникалық құжаттаманың бар-жоғын және толықтығын тексереді;
- Нысанды тексереді;
- Объектіні пайдалануға дайындығын соңғы тексеру арқылы тиісті акт бойынша қабылдайды.