ТЖ кезіндегі түсіндірме

Құрметті азаматтар!

Коронавирус пандемиясы себебінен елімізде төтенше жағдай енгізіліп, осы жағдай шеңберінде шектеу мен санитариялық-эпидемияға қарсы ауқымды іс-шаралар көзделген.

Осыған орай, жұқтыруды болдырмау үшін, өздеріңіз бен жақындарыңыздың қауіпсіздігін қамтамасыз еті үшін:

• жеке қарым-қатынастан аулақ болуды;
• адамдар көп жиналатын жерге баруды тоқтатуды;
• үйден азық-түлік пен дәрі-дәрмек алу үшін тек аса қажетті жағдайда ғана шығуды сұраймыз.

Осы шаралар Сіздің қауіпсіздігіңіз үшін жасалғандықтан, түсінумен қарауды сұраймыз.

Денсаулық сақтау және ішкі істер министрліктерінің заңды талаптарын орындауды, індеттің алдын-алу мен анықтауға бағытталған жұмыстарында көмек көрсетуге шақырамыз.

Сонымен қатар:

• полиция қызметкерлерінің заңды талаптарын орындамау үшін (ӘҚбК 667 бабы – 40 АЕК айыппұл немесе 10 тәулікке дейін қамаққа алу);
• төтенше жағдай кезінде шектеу шараларын орындамау үшін (ӘҚбК 476 бабы – 10 АЕК айппұл немесе 15 тәулікке дейін қамаққа алу);
• санитарлық-эпидемиологиялық органдардың нұсқамасын орындамаған үшін (ӘҚбК 462 бабының 3 бөлігі – 500 АЕК айыппұл);
• санитарлық және гигиеналық ережелерді бұзған үшін (ӘҚбК 425 бабы – 5 млн. теңгеге дейін айыппұл) әкімшілік жауапкершілік көзделгенін түсіндіреміз.

Осымен бірге кәсіпкерлік субъектілеріне іс-әрекетін тоқтату туралы шара қолданылуы мүмкін.

Осындай заң бұзушылық абайсызда адамдардың жаппай жұқтыруына немесе адам өліміне алып келсе қылмыстық жауапкерлішік көзделген (ҚК 304 бабы – 2 мың АЕК айыппұл немесе 10 жылға дейін бас бостандығынан айыру).

Осы орайда, шындыққа ұласпайтын хабарламаларды таратпауды және арандатушылыққа берілмеуге шақырамыз.

Қазіргі таңдағы барлық ақпарат құзіретті органдардың интернет парақшаларында жарыққа шығып отырады.