Осы жылдың 22 ақпанында Мемлекет басшысы «Қазақстан Республикасы Президентінің кейбір жарлықтарына өзгерістер мен толықтырулар енгізу туралы» Жарлыққа қол қойды.

Өзгерістер мен толықтырулар енгізудің мақсаты мемлекеттік қызметшілердің тәртіптік жауапкершілігін қарау және олардың қызметтік ӘДЕПТІ сақтауы мәселелері бойынша заңнама нормаларын жетілдіру болып табылады.

Осыған орай аудан әкімінің орынбасары Әдеп жөніндегі уәкіл Б.Елеусізова «Әдеп кодексінің» жаңа редакциясы бойынша Алматы облысы әкімі аппаратының Әдеп жөніндегі уәкілі Ғабит Тұрсынбайұлының онлайн режимінде қатысуымен және бөлім басшылары, округ әкімдері, ауылдық округ әкімдерінің мамандарымен семинар – кеңес өткізді. Семинар барысында мемлекеттік қызметшілерге қойылатын талаптар кеңінен талқыланды.