Ауған соғысы 1979 жылдың 27 желтоқсанында КСРО қарулы күштерінің Ауғанстанға басып кіріп, оның ішкі істеріне қол сұғуы салдарынан тұтанған соғыс. Соңы аяқталмас соғысқа ұласқан бұл қасірет елдің тек өз ішінде ғана емес оған сырт мемлекеттердің қатысуымен ұзаққа созылды.

Статистикаға сүйенсек:

10 жылға созылған ауған соғысында КСРО бойынша қайтып оралмаған жалпы адам шығыны – 14453 - ке жетті.

Ал, Қазақстаннан Ауған соғысына 22000 адам қатысып, олардың 924 - і қаза тапты, 21 адам хабарсыз кетті.

1000 жауынгерден астам өз жеріне оралып, алған түрлі дене жарақаттарының кесірінен ауырып қаза болды.

Олармен бірге біздің Кеген ауданынан аттанып, интерноционалдық борышын өтеген бірқатар аудан азаматтарын аудан әкім Т.Байедилов қабылдап, ризашылығын білдірді.

Ауған соғысында опат болған жауынгерлердің өз Отанына шексіз беріліп, патриоттық рухтарының жоғары болғанын дәріптеп,олардың қайтпас қайсар ерлігін келешек ұрпаққа жеткізу біздің парызымыз. Енді соғыс болмасын! Бейбіт заман болсын!