Қазақстан Республикасы Ұлттық Банкі 2024 жылғы үлгідегі номиналы 2 000 теңге банкноттың айналысқа шығуына байланысты халықты банкноттың негізгі қорғаныш элементтерімен таныстырады

Айналысқа енгізілген күні: 25.12.2024

Өлшемі: 135х70 мм

Басым түсі: жасыл

Бет жағы

Бет жағының орталық бейнелері:

– көкте қалықтап ұшқан құспен «Өмір ағашының» бұтағы (Есік қорғаны, б. д. д. 5-4 ғғ., Алтын адам бас киімінің бір бөлігі, табиғат пен наным байланысының қасиетті мағынасы);

– ДНҚ спиралін және адамның табиғатпен байланысын білдіретін ою-өрнекпен стильдендірілген шексіздік символы;

– артефакт – молшылық пен байлықтың символы ретінде мүйізді жануардың бейнесі (Қызылтоған қорғаны, б.з.д. 7-6 ғғ., Жетісу).

Сырт жағы

Сырт жағындағы негізгі бейнелер:

– ою-өрнекпен безендірілген қалқанның фонында ақбөкендер;

– «Қалқанды» бейнелейтін дөңгелек қазақ ою-өрнегі - құндылықтарды қорғаудың символы, ежелгі символ – әлемнің төрт қыры, орталықтағы күн белгісі Жасампаз энергия мен өмірдің символы ретінде.

Сондай-ақ, банкнотаның сырт жағында артефакт – ақбөкеннің басы бейнеленген (№4 қорған, б.д. д. 7 ғғ., Қазақстан, Торғай облысы Қостанай уезінің Данбар болысынан табылды). Банкнотаның ортасында фон ретінде қазақ ою-өрнегіндегі «шексіздік» контуры бар, оның ішінде Бурабай көлінің бейнесі бейнеленген.