Алматы облысы қаржы басқармасының 2022 жылға сыбайлас жемқорлық тәуекелдеріне жүргізілген ішкі талдау бойынша аналитикалық анықтама

Алматы облысы қаржы басқармасының 2022 жылға сыбайлас жемқорлық тәуекелдеріне жүргізілген ішкі талдау бойынша аналитикалық анықтама

 

Кіріспе бөлімі: Алматы облысы қаржы  басқармасы (әрі қарай - Басқарма) басшысының 2023 жылғы 27 қыркүйегіндегі №153-н/қ бұйрығымен сыбайлас жемқорлық тәуекелдеріне ішкі талдау 2023 жылғы 29 қыркүйек 6 қазан аралығында жүргізу үшін келесі құрамда жұмыс тобы құрылды:

Жұмыс тобының басшысы – Акчулакова А.М.

Жұмыс тобының мүшелері – Отарбаев Ә.З., Құрманбаев Е.Е., Қожабекова М.Н., Бітімбек А.

Жұмыс тобының хатшысы – Қайырбекова Н.Е.

Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларының 5 тармағына сәйкес, Басқармада 2022 жыл бойынша келесі бағыттар бойынша сыбайлас жемқорлық тәуекелдеріне ішкі талдау жүргізілді:

• басқарманың қызметін қызметін қозғайтын нормативтік құқықтық актілерде және құқықтық актілерде сыбайлас жемқорлық тәуекелдерін анықтау;
• басқарманың мүдделер қақтығысымен байланысты ұйымдастырушылық-басқарушылық қызметіндегі сыбайлас жемқорлық тәуекелдерін анықтау.

 

Сипаттама бөлімі:

 

Басқарманың қызметін қозғайтын нормативтік құқықтық актілерде сыбайлас жемқорлық тәуекелдерін анықтау

 

2022 жылғы 31 желтоқсандағы жағдай бойынша штат саны және нақты саны 19 бірлікті құрайды.

Басқарманың құрылымына сәйкес 4 бөлім бар:

Басшылық – 3 бірлік.

1. Бюджеттік үйлестіру және мониторинг бөлімі – 4 бірлік.
2. Бюджеттің атқарылуын есепке алу және есептілік бөлімі – 3 бірлік.
3. Басқару аппараты, әлеуметтік сала және нақты сектор бюджетінің атқарылуын талдау бөлімі – 4 бірлік.
4. Коммуналдық мүлікті басқару бөлімі – 5 бірлік.

Мемлекеттік қызметтен босату фактілері және Теріс себептерге негізделген сыбайлас жемқорлық құқық бұзушылықтарды жасағаны үшін жауапкершілікке тартылғандар анықталмаған.

Мемлекеттік қызметке қабылданған барлық қызметкерлер белгіленген біліктілік талаптарына және функционалдық блоктарға сәйкес келеді.

Талданған кезеңде бұл салада сыбайлас жемқорлық тәуекелдері анықталған жоқ.

Мүдделер қақтығысын шешу

 

Ішкі талдау нәтижелері бойынша мүдделер қақтығысына байланысты сыбайлас жемқорлық тәуекелдері анықталған жоқ.

 

Мемлекеттік қызметтерді көрсету

 

Алматы облысы әкімдігінің 2018 жылғы 24 мамырдағы No 235 қаулысымен бекітілген «Алматы облысының қаржы басқармасы» мемлекеттік мекемесі туралы ережеде мемлекеттік қызмет көрсету көзделмеген.

 

Рұқсат ету функцияларын жүзеге асыру

 

Алматы облысы әкімдігінің 2018 жылғы 24 мамырдағы No 235 қаулысымен бекітілген «Алматы облысының қаржы басқармасы» мемлекеттік мекемесі туралы ережеде рұқсат беру функцияларын жүзеге асыру көзделмеген.

 

Бақылау және аудит функцияларын жүзеге асыру

 

Алматы облысы әкімдігінің 2018 жылғы 24 мамырдағы No 235 қаулысымен бекітілген «Алматы облысының қаржы басқармасы» мемлекеттік мекемесі туралы ережеде бақылау-тексеру функцияларын жүзеге асыру көзделмеген.

 

Бюджеттік және қаржылық ресурстарды әзірлеу және бөлу

 

Жеке қаржыландыру жоспары Қазақстан Республикасы Қаржы министрлігінің 2014 жылғы 14 желтоқсандағы No 540 бұйрығымен бекітілген Бюджеттің атқарылуы және оған кассалық қызмет көрсету қағидаларының 6-тармағына сәйкес есептеулер бюджеттік өтінімде көзделген бюджеттік бағдарламалар (кіші бағдарламалар) бойынша шығыстардың сомасы негізінде әзірленеді. Бюджеттік өтінім Қазақстан Республикасы Қаржы министрлігінің 2014 жылғы 25 желтоқсандағы No 511 бұйрығымен бекітілген Бюджеттік өтінімді жасау және ұсыну қағидаларына сәйкес жасалады. Бюджеттік өтінім уәкілетті орган бекіткен қаржыландыру жоспарына сәйкес келеді.

2022 жылы басқарманың бюджеті 190 255,5 млн.теңгені құрады, 46667,9 млн.теңге игерілді, 143587,6 млн.теңгесі игерілмеді, оның ішінде бағдарламалар бойынша:

1. Жергілікті бюджетті атқару, коммуналдық меншікті басқару және бюджетті жоспарлау саласындағы мемлекеттік саясатты іске асыру жөніндегі қызметтерге жоспар бойынша 227,1 млн.теңге, игерілгені 226,7 мың теңге, еңбекақы қорын үнемдеуге игерілмегені 0,4 млн.теңге;
2. Обслуживание долга местных исполнительных органов – при плане 2 215,6 млн. тенге освоено полностью.
3. Жекешелендіру, коммуналдық меншікті басқару, жекешелендіруден кейінгі іс-шаралар және дауларды шешу – жоспар шеңберінде игерілген 24,1 млн.теңге жоспармен;
4. Облыстың жергілікті атқарушы органының резерві – 916,6 млн.теңге жоспармен 668,2 млн.теңге бағытталды, бағытталмаған қалдық 248,4 млн.теңге;
5. Республикалық бюджеттен берілген кредиттер бойынша сыйақыларды және басқа да төлемдерді төлеу бойынша жергілікті атқарушы органдардың берешегіне қызмет көрсету – 19,2 млн.теңге, игерілгені – 19 млн.теңге, игерілмегені – 0,2 млн.теңге;
6. Әкімшілік-аумақтық бірліктің саяси, экономикалық және әлеуметтік тұрақтылығына, өмірі мен денсаулығына қауіп төндіретін табиғи және техногендік сипаттағы төтенше жағдайлар кезінде облыстық бюджеттерге, республикалық маңызы бар қалалардың, астананың бюджеттеріне берілетін нысаналы ағымдағы трансферттер, республикалық немесе халықаралық маңызы бар іс-шаралар, сондай-ақ Қазақстан Республикасы Президентінің тапсырмасы бойынша Жетісу облысына 180 375,4 млн.теңге субвенция жоспарымен 37036,9 млн.теңге аударылды, 143338,5 млн.теңге аударылмаған, Алматы облысы бойынша бұрын жұмсалған шығындарды аудару туралы нормативтік құқықтық актілердің болмауына байланысты;
7. Қазақстан Республикасы Ұлттық қорынан нысаналы трансферт есебінен республикалық бюджеттен бөлінген пайдаланылмаған сомаларын қайтару (толық пайдаланылмаған) нысаналы трансферттердің толық игерілген 7 136,6 млн.теңге жоспар бойынша
8. Қазақстан Республикасы Үкіметінің кезек күттірмейтін шығыстар резерві есебінен ағымдағы іс-шараларды жүргізу жоспары 8,9 млн.теңге, толық көлемде орындалды.

Бюджет қаражатын игеруде заң бұзушылықтар анықталған жоқ.

 

Жеке және заңды тұлғалармен шарт жасасу

 

Бекітілген мемлекеттік сатып алу жоспарын порталда орналастыру мерзімдері сақталады. Сатып алу «Мемлекеттік сатып алу туралы» Заңына және «Мемлекеттік сатып алуды жүзеге асыру қағидаларын бекіту туралы» Қазақстан Республикасы Қаржы министрінің 2015 жылғы 11 желтоқсандағы № 648 бұйрығына сәйкес жүзеге асырылады.

Шарттардың барлық жобалары жеткізушіге алдын ала жіберіледі және мерзімдері сақталады. Мемлекеттік сатып алуды өткізу мерзімі белгіленгендерге сәйкес келеді. Мемлекеттік сатып алу туралы шарттар белгіленген мерзімде жасалады, бұл мемлекеттік сатып алу веб-сайтында көрсетіледі.

Басқармамен 2022 жылы мемлекеттік сатып алу порталында түрлі қызметтерді көрсету бойынша заңды тұлғалармен 21 шарт және 2 қосымша шарт жасалды.

Талданған кезеңде бұл салада сыбайлас жемқорлық тәуекелдері анықталған жоқ.

 

Ақпараттық жүйелерді әзірлеу және пайдалану

 

Сыбайлас жемқорлық тәуекелдеріне жүргізілген ішкі талдау нәтижелері бойынша Қазақстан Республикасы Ауыл шаруашылығы министрінің 2015 жылғы 31 наурыздағы № 5 бұйрығымен бекітілген Су шаруашылығы объектілерін жалға беру және сенімгерлік басқаруға беру қағидалары www.gosreestr.kz интернет-ресурсында мемлекеттік мүліктің веб-порталы арқылы су шаруашылығы объектілерін сенімгерлік басқару құрылымдарына беру бойынша конкурстар өткізуді көздемейтіндігі анықталды.

Оны жою бойынша ұсыныстар:

Жоғарыда аталған Қағидаларға www.gosreestr.kz интернет-ресурсында электрондық форматтағы тізілім веб-порталы арқылы ғана су шаруашылығы объектілерін сенімгерлік басқаруға беру бойынша конкурстарды өткізу нормасын толықтыру қажет.

Бұл өзгеріс тендерлік рәсімдердің тиісті деңгейде ашықтығын, бәсекелестікті арттыруды және www.gosreestr.kz жүйесіндегі ақпараттың интеграциясын қамтамасыз етеді, және шарттардың орындалуын бақылау, тендерді ұйымдастырушы мен қатысушы арасындағы байланысты шектейді.

 

Ұйымдастыру-басқару қызметінен туындайтын басқа да мәселелер

Жақын туыстарының, ерлі-зайыптылардың және жекжаттардың бірлескен қызмет (жұмыс) фактілері сыбайлас жемқорлық тәуекелдерін тудырады. Қазақстан Республикасы Заңының 14-бабының 1-тармағына сәйкес «Жауапты мемлекеттік лауазымды атқаратын адамдар, мемлекеттік функцияларды жүзеге асыруға уәкілеттік берілген адамдар (өз қызметін тұрақты немесе босатылған негізде жүзеге асыратын мәслихат депутаттарын қоспағанда) және мемлекеттік функцияларды орындауға уәкілеттік берілген адамдарға теңестірілген адамдар (Қазақстан Республикасының Президенттігіне, Қазақстан Республикасы Парламентінің немесе мәслихаттарының депутаттығына, аудандардың, облыстық маңызы бар қалалардың, аудандық маңызы бар қалалардың әкімдеріне кандидаттарды қоспағанда) , қалалар, ауылдар, ауылдық округтер, сондай-ақ сайланбалы жергілікті өзін-өзі басқару органдарының мүшелері) лауазымды адамдар өздерінің жақын туыстары, жұбайы және (немесе) туыстары атқаратын лауазымдарға тікелей бағынатын лауазымдарды атқара алмайды, сондай-ақ оларға тікелей бағынатын жақын туыстары, жұбайы және (немесе) туыстары бола алмайды.

Мемлекеттік функцияларды орындауға және жақын туыстарының, ерлі-зайыптылардың немесе жекжаттардың бірлесіп қызмет атқаруына (жұмысына) жол беруге болмайтын фактілер жоқ.

 

Топ басшысы:	__________________	Акчулакова А.М.
Топ мүшелері:	__________________   _________________   _________________	Отарбаев Ә.З.     Құрманбаев Е.Е.   Қожабекова М.Н.
	__________________	Бітімбек А.
Топ хатшысы:	__________________	Қайырбекова Н.Е.

Дата публикации

27 октября 2023