2024 жылдың 10 қарашасында Алматы облысындағы "SDU University" университетінде "KONAEV CUP – 2024"үшінші Халықаралық шахмат турнирі басталды.

2024 жылдың 10 қарашасында Алматы облысындағы "SDU University" университетінде "KONAEV CUP – 2024"үшінші Халықаралық шахмат турнирі басталды. Бұл беделді жарыс 12 елден: АҚШ, Индонезия, Беларусь, Украина, Армения, Ресей, Өзбекстан, Тәжікстан, Қырғызстан, Әзірбайжан, Грузия және Қазақстаннан алты жастан 60 жасқа дейінгі 240 Шахматшыны біріктірді. Турнирге атақты гроссмейстерлер де, жаңадан бастаған спортшылар да қатысады, бұл оның халықаралық деңгейдегі маңызды спорттық оқиға мәртебесін көрсетеді.

Бүгінде Қазақстанда 200 мыңнан астам адам шахматпен айналысады, ал Алматы облысында оларды қолдау үшін инфрақұрылым құрылды, оның ішінде мамандандырылған мектеп пен әр аудандағы филиалдар бар. "KONAEV CUP" турнирі үш жыл ішінде өңірдің спорт күнтізбесінің маңызды оқиғасы және оның визит карточкасы болды.

Турнир жылдам шахмат ережелері бойынша өткізіледі: жарыс Швейцария жүйесі бойынша 9 турда өтеді, әр айналым үшін 10 минут пен 2 секунд уақыт бақыланады. Қатысушылар арасында шахматтың әлемдік жұлдыздары: Тимур Гареев (АҚШ), Моника Челси Игнесиас (Индоенезия), Дмитрий Бочаров және Илья Ильюшенок (Ресей), Жахонгир Вахидов (Өзбекстан), Михаил Никитенко (Беларусь), Леван Панцулая (Грузия), сондай – ақ Рамазан Жалмаханов сияқты жетекші қазақстандық гроссмейстерлер, Әлішер Сүлейменов, Денис Махнев, Арыстанбек Оразаев, Рустам Хуснутдинов және Лия Құрманғалиева. Турнирде Алматы облысынан 98 шахматшы, оның ішінде спорт шебері Иманғали Ақылбай өнер көрсетеді.
"KONAEV CUP – 2024" турнирінің ерекшелігі тек кәсіпқойлардың ғана емес, сонымен қатар әуесқойлардың да қатысуы болып табылады, бұл жаңадан бастаған шахматшыларға өз білімі мен спорттық тәжірибесін кеңейте отырып, халықаралық деңгейдегі шеберлермен бәсекелесуге бірегей мүмкіндік береді.

"KONAEV CUP – 2024" үшінші халықаралық турнирі шахмат қозғалысын дамытудағы маңызды кезең болып табылады және Қазақстанның әлемдік шахмат аренасындағы позициясын нығайтуға ықпал етеді.