Қарасай ауданының 2021-2023 жылдарға арналған бюджеті туралы

2008 жылғы 4 желтоқсандағы Қазақстан Республикасының Бюджет кодексінің 9-бабының 2-тармағына,  «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы   Қазақстан  Республикасы Заңының 6-бабының 1-тармағының 1) тармақшасына сәйкес, Қарасай аудандық мәслихаты ШЕШІМ ҚАБЫЛДАДЫ:

  1. 2021-2023 жылдарға арналған аудандық бюджет тиісінше осы шешімнің 1, 2, 3-қосымшаларына сәйкес, оның ішінде 2021 жылға келесі көлемдерде бекітілсін:

1) кірістер 37 065 549 мың теңге, оның ішінде:

салықтық түсімдер 20 536 191 мың теңге;

салықтық емес түсімдер 21 492 мың теңге;

негізгі капиталды сатудан түсетін түсімдер  172 500 мың теңге;

трансферттер түсімдері 16 335 366 мың теңге, оның ішінде:

төмен тұрған мемлекеттік басқару органдарынан трансферттер                    1 614 845 мың теңге, оның ішінде:

бюджеттік алып қоюлар 1 614 845 мың теңге;

мемлекеттік басқарудың жоғары тұрған органдарынан түсетін трансферттер 14 720 521 мың теңге, оның ішінде:

ағымдағы нысаналы трансферттер 10 383 288 мың теңге;

нысаналы даму трансферттері 4 337 233 мың теңге;

2) шығындар  38 679 053 мың теңге;

3) таза бюджеттік кредиттеу  208 514 мың теңге, оның ішінде:

бюджеттік кредиттер 262 530 мың теңге;

4) қаржы активтерімен операциялар  бойынша сальдо 0 теңге;

5) бюджет тапшылығы (профициті)   (-) 1 822 018 мың теңге;

6) бюджет тапшылығын қаржыландыру (профицитін пайдалану)                      1 822 018 мың теңге.

  1. Ауданның жергілікті атқарушы органының 2021 жылға арналған резерві 106 556 мың теңге сомасында бекітілсін.
  2. 2021 жылға арналған аудандық бюджетте қала, ауылдық округтері бюджетінен аудандық бюджетке бюджеттік алып қоюлардың көлемі 1 614 845 мың теңге сомасында көзделсін, оның ішінде:

Қаскелең қаласынан 708 958 мың теңге; 

Жамбыл ауылдық округінен 36 495 мың теңге;

Елтай ауылдық округінен 52 028 мың теңге;

Жібек жолы ауылдық округінен 97 903 мың теңге;

Райымбек ауылдық округінен 247 413 мың теңге;

Бірінші Май ауылдық округінен 8 709 мың теңге;

Жандосов ауылдық округінен 50 845 мың теңге;

Ұмтыл ауылдық округінен 69 165 мың теңге;

Шамалған ауылдық округінен 133 649 мың теңге;

Іргелі ауылдық округінен  193 105 мың теңге;

Әйтей ауылдық округінен 16 575 мың теңге.

  1. 2021 жылға арналған аудандық бюджетті атқару процесінде секвестрлеуге жатпайтын аудандық бюджеттік бағдарламалардың тізбесі осы шешімнің 4-қосымшасына сәйкес белгіленсін.
  2. 2021 жылға арналған аудандық бюджетте аудандық маңызы бар қаланың, ауылдық округтердің бюджеттеріне берілетін ағымдағы нысаналы трансферттер көзделгені ескерілсін, оның ішінде:

өңірлерді дамытудың 2025 жылға дейінгі мемлекеттік бағдарламасы шеңберінде өңірлерді экономикалық дамытуға жәрдемдесу бойынша шараларды іске асыруға ауылдық елді мекендерді жайластыруды шешуге арналған іс-шараларды іске асыру;

елді мекендердегі көшелерді жарықтандыру;

елді мекендердің санитариясын қамтамасыз ету;

жерлеу орындарын ұстау және туыстары жоқ адамдарды жерлеу;

елді мекендерді абаттандыру мен көгалдандыру;

Көрсетілген трансферттерді аудандық маңызы бар қаланың, ауылдық округтердің бюджеттеріне бөлу Қарасай ауданы әкімдігінің қаулысы негізінде айқындалады.

  1. 6. Осы шешімнің орындалуын бақылау Қарасай аудандық мәслихатының «Экономика, бюджет, жұмыспен қамту, кәсіпкерлік пен әлеуметтік инфрақұрылымдарды дамыту жөніндегі» тұрақты комиссиясына жүктелсін.
  2. Осы шешім 2021 жылғы 1 қаңтардан бастап қолданысқа енгізіледі.
приложение каз 2020
Дата публикации
30 ноября 2020