Қарасай ауданының ішкі саясат бөлімі

Қарасай ауданындағы қоғамдық-саяси ахуал туралы

Қарасай ауданында 273 000 халық тұрады. 37 ұлт, 47 елді мекен бар.

Аудан бойынша 2 партия, 5 кәсіподақ, 1-тіркелген АХЫСҚА, 4- тіркелмеген күрд, шешен, ұйғыр, славян  этно-мәдени бірлестіктері жұмыс істейді.

Әлеуметтік шиеленістердің орын алмауы үшін ауылдардың әкімдеріне аудан әкімі тарапынан алдын ала тұрғындардың мәселелерін дер кезінде шешіп, шағымдарына уақытылы жауап беруі бақылауға алынған. 

Әлеуметтік тұрақтылықты сақтау мақсатында ауданда белсенді азаматтардан спикерлердің тізімі жасалған. Олардың құрамына аудандық қоғамдық кеңестің төрағасы, ардагерлер, аналар ұйымының төрайымы, «Нұр Отан» партиясы филиалының төрағасы, жастар ресурстық орталығының жетекшісі, кәсіподақ ұйымының төрағасы т.б. Сонымен қатар этносаралық тұрақтылықты сақтау үшін өзге ұлт өкілдерінің белсенділерінің тізімі жасақталды.

Азаматтық қоғам институттарының өзара әрекеттестігі туралы

Аудан аумағында қазіргі таңда 45 үкіметтік емес ұйым, тіркелген. Оның ішінде белсендісі - 40, белсенді емесі - 2,  жұмысын уақытша тоқтатқаны - 3. Белсенді үкіметтік ұйымдар әртүрлі бағытта (білім беру, әлеуметтік бағытта, жастар саясаты, экология тақырыбында, әскери-патриоттық, салауатты өмір салтын қалыптастыру, гендерлік теңдік және т.б.) жұмыс істейді. 

Ақпараттық сүйемелдеу туралы

Қарасай ауданында 2 бұқаралық ақпарат құралдары тіркелген, оның ішінде 1 баспа, 1 басылым.

Мемлекеттік ақпараттық тапсырысты іске асыру мақсатында «Заман жаршысы» Қарасай аудандық апталық қоғамдық-саяси газетімен шарт жасалған.