Тұрғын үй инспекциясы, бұл тұрғын үй объектілерінің аумағында жұмыс істейтін мамандарды жалдау кезінде, үйлерді жөндеу кезінде тұрғын үй иелерінің проблемаларын шешу үшін құрылған орган. Бұл сыпырушылар, тазалаушылар, сантехниктер, итп электриктері болуы мүмкін.

Тұрғын үй инспекциясының міндеттеріне кіреді:

* Тұрғын үй-коммуналдық қызметтердің жоғары деңгейін қолдау.

* ПИК объектісінің ортақ мүлкін техникалық тексеруді ұйымдастыру.

* Күрделі жөндеуге қаражат шығынын келісу және бақылау.

* Кондоминиум аумағында жөндеу жұмыстарының жекелеген түрлері бойынша орындалған жұмыстарды қабылдау •

* ПИК басқару үшін қызмет көрсететін компанияны таңдау.

*Басқарушы компанияның шығыстары бойынша есептіліктің болуын тексереді.

* Жөндеу және құрылыс кезінде бұзушылықтарды анықтайды.    

Инфрақұрылым

Сумен жабдықтау

Ауданның су құбыры желілерінің жалпы ұзындығы 713 км құрайды, елді мекендердің 80% жер асты сумен жабдықтау көздерін, 20% жер беті көздерін пайдаланады.Су құбыры желілерін пайдалану мерзімі 30-35 жылдан астам немесе нормативтік қызмет ету мерзімінен жоғары. Желілердің тозуы 48% құрайды, күрделі жөндеуді қажет ететіні 325 км. Су құбыры желілеріндегі нақты шығындар 20% құрайды.Ауданда жалпы саны 293,5 мың адамнан асатын 47 елді мекен бар. Орталықтандырылған сумен жабдықтаумен 46 елді мекен қамтамасыз етілді, бұл 97,9% құрайды, орталықсыздандырылған 1 елді мекен - 2,1 %.2021 жылы Жаңатұрмыс ауылының  ауыз су жүйелеріне қайта жаңғырту жұмыстарының 2 кезеңі жүргізілуде. (Жалпы құны 1 млрд.62 млн. теңге).6 ауылдың ауыз су жүйелеріне (Елтай, Жібек Жолы, Көлащы, Шалқар, Қайрат, Қаратөбе) қайта жаңғырту жұмыстарының жобалау-сметалық құжаттамалары дайындалуда. (Құны 66,6 млн. теңге). 2022 жылы Қаратөбе ауылының ауыз су жүйесін қайта жаңғырту жұмыстарының 1 кезеңі басталады, бөлінген қаражат 153 млн теңге.Сонымен қатар Өмірұзақ шағын ауданы мен Шамалған ауылының кәріз жүйесін  қайта жаңғырту жұмыстарының жобалау-сметалық құжаттамалары әзірленуде (Құны 47,6 млн. теңге).

Су бұру

Кәріз желілерінің жалпы ұзындығы 150 км құрайды, оның 100% коммуналдық меншікте.Кәріз желілерін пайдалану мерзімі 40-45 жылдан астам немесе нормативтік қызмет ету мерзімінен жоғары. Желілердің тозуы 75% құрайды.Орталықтандырылған кәріз жүйесі Қаскелең қаласында, Шамалған, Алмалыбақ, Жалпақсай, Іргелі, Қырғауылды және Қайнар ауылдарында бар.Халықты сумен жабдықтауды жақсарту бойынша қабылданып жатқан шараларға және қаражаттың едәуір жұмсалуына қарамастан, мәселе әлі де сақталып отыр. Оның өткірлігі артады,себебі негізгі өндірістік қорлардың қартаю процесі олардың жаңаруына қарағанда анағұрлым озық қарқынмен жүріп жатыр. Көптеген сумен жабдықтау объектілерінің техникалық жай-күйі (су тартқыштар, тазарту құрылыстары, су айдайтын мұнаралар, суға арналған резервуарлар) ұзақ пайдалану мерзімінің және жыл сайын жөндеуге жетпеуі нәтижесінде қанағаттанарлықсыз.Ауданның сумен жабдықтау жүйесін одан әрі дамытуға қосымша қаржыландыру қажет. 20 елді мекенде сумен жабдықтау жүйелерін қайта жаңарту және салу талап етіледі.Сумен жабдықтау желілерін дамытумен қатар адамның тіршілік әрекеті және өнеркәсіптік кәсіпорындардың өсуі нәтижесінде пайда болатын ағынды суларды тазарту және су бұру мәселесі туындайды.

Электр жүйелері 

Ауданда электр беру желілерінің жалпы ұзындығы 1026 км құрайды, оның ішінде 820,8 км (80%) – 0,4 кВ, 391 дана – 10/04 кВ трансформаторлық қосалқы станциясы.Техникалық жағдай электр желілеріндегі жабдықтардың тозуы 65% – ға дейін, электр желілеріндегі шығындар 16,1% - ды құрайды.2021 жылы «Ауыл-Ел бесігі» бағдарламасы аясында 3 ауылдың электр жүйелерінің қайта жаңғырту жұмыстары аяқталды (Айтей, Кемертоған, Райымбек.). Жергілікті бюджет есебінен 4 ауылдың (Бекболат, Шамалған, Жандсоов, Абай) тұнгі жарықтандыру жұмыстарының  жобалау-сметалық құжаттамалары дайындалуда.

Жылумен және газбен жабдықтау

Аудан бойынша 309 көп пәтерлі жеке тұрғын үйлер бар, оның 71 орталықтандырылған қазандықтан, қалған 238 тұрғын үйлердің пәтерлері жеке газ құрылғысымен жылытылады.Ауданның жылу жүйесі бойынша 46 елді мекен газ жүйесіне қосылған немесе 99% қамтылған. Қалған 1% қатты отынмен жылытылады.Орталық жылу жүйесімен Қаскелең қаласының "Алтын Ауыл" және "Қарлығаш"  шағын ауданы, Ұмтыл ауылдық округінің Мерей ауылы және Іргелі ауылының "Асыл Арман" тұрғын үй кешені қамтамасыз етілді.Жылу желілерінің жалпы ұзындығы 8 км, жылу желілерінің тозуы 50%. Жылу желілеріндегі нақты шығындар 30% - ға дейін жетеді."Алтын Ауыл" шағын ауданында қазандықта қуаты 9,6 МВт 17 көппәтерлі үйді (780 пәтер) жылыту үшін 6 қазандық орнатылды, жылу трассасының ұзындығы 1,6 км. 2021 жылы "Алтын Ауыл" ықшам ауданының жылыту жүйесінің ағымдағы жөндеу жұмыстары жүргізілді, бөлінген қаржы 118 млн теңге.Мерей ауылында 15 көппәтерлі үй (500 пәтер), орта мектеп және мәдениет үйі жылумен қамтылған. Қуаты 1,5 Гкалл, 3 қазандық орнатылған, жылу трассасының ұзындығы 3,375 км құрайды."АсылАрман" тұрғын үй кешенінде қазандықта қуаты 40 МВт 4 қазандық орнатылған, жылу трассасының ұзындығы 1,5 км. Жылумен 21 көп пәтерлі үй (5088 пәтер) қамтылды."Қарлығаш" тұрғын үй кешенінде қазандықта қуаты 14 Гкал 5 қазандық орнатылған, жылу трассасының ұзындығы 1,0 км. Жылумен 7 көп пәтерлі үй (340 пәтер) қамтылды.2021 жылы Қаскелен қаласы Төле би көшесінде 10 көп қабатты тұрғын ұйге 3 бөлшек-модульдік қазандық салуға 866,9 млн. теңге бөлініп, құрылыс жұмыстары толық аяқталды.  2021-2022 жылдардың жылыту маусымы штаттық режимде өтуде. Газ құбыры желілерінің жалпы ұзындығы 812,984 км құрайды.Қазіргі уақытта Қарасай ауданын газбен жабдықтаудың қолданыстағы жүйесін "Алматы-газсервис – Холдинг" ЖШС, "Тауекел-Н Алгабас" ЖШС және "Сигма" ЖШС жеке меншік компаниялары қамтамасыз етеді. Бұл ретте осы аудандағы газдың негізгі жеткізушісі "Алматыгазсервис-Холдинг" ЖШС болып табылады.Соңғы жылдары "Таукел" ЖШС және "Сигма"ЖШС жеке инвестицияларын тарта отырып, жоғары және орташа қысымды газ құбырларын салу есебінен Алматы қаласының БГР-ТБА және ГТС магистральды газ құбыры елді мекендерінің ГТС-нан газбен жабдықтау желілерін дамыту және салу алды.Ауданда кешенді бағдарлама шеңберінде тұрғындар мен жергілікті инвесторлардың қаражаты есебінен магистральды және таратушы газ құбырларының құрылысын жалғастыру көзделіп отыр.

2021 жылы ауданда орталықтандырылған газбен жабдықтау 95% құрады