Меню
2021-2022 оқу жылында ауданда 58 білім беру мекемелері бар, оның 53–і облыстық білім басқармасына қарасты, ал 5-уі жеке меншік мектептер.
2021-2022 оқу жылында 75301 оқушы білім алуда. Былтырғы оқу жылымен салыстырғанда 8566 оқушыға артты. (2020-2021 оқу жылы 66531).
Білім сапасы – 66,3%.
2021-2022 оқу жылында биылғы оқу жылында ауданымызда 12 үш ауысымды мектептер жұмыс істеуде.
Үш ауысымды білім алуды жою мақсатында 2021 жылы Батан ауылында 450 орындық жаңа мектеп салынып, қолданысқа берілді.
Қаскелен қаласындағы В.Белинский атындағы орта мектебіне күрделі жөндеу жұмыстары жүргізілуде, аяқталу мерзімі 2022 жылдың мамыр айына жоспарланған.
Сонымен қатар 4 жаңа мектеп құрылысы және 3 орта мектептерге жапсаржай құрылысы жүргізілуде («Асыл арман» тұрғын үй кешеніне 2000 орындық, Қаскелен қаласында 1500 орындық, Үштерек, Жармұхамбет ауылдарында 600 орындық және Алмалыбақ ауылы, Жібек жолы бекетінде және Іргелі ауылындағы Л.Толстой атындағы орта мектептерге 600 орындық жапсаржай салынды).
2021 жылы 2 орта мектептер құрылысының жобалау–сметалық құжаттамалары дайын (олар: Өмірұзақ тұрғын үй кешенінде 900 орындық жәнеДолан ауылдарында 600 орындық мектептер).
Сондай-ақ 2 орта мектептер құрылысының жобалау–сметалық құжаттамалары әзірленуде (ол: Елтай және Бұлақты ауылдарында 600 орындық мектептер).
Аталған нысандардың құрылысы барлық 12 үш ауысымды мектептерді қамтиды. Дегенмен қосымша үш ауысымды мектептердің пайда болу қауіпі бар.
Біріншімай орта мектебін қайта қалпына келтіру жұмыстары мен сейсмикалық күшейту жұмыстары толық аяқталды. (Құны 497 млн. теңге).
Қаскелен қаласындағы В.Белинский атындағы орта мектебіне күрделі жөндеу жұмыстары жүргізілуде, аяқталу мерзімі 2022 жылдың мамыр айына жоспарланған. (Құны 1,2 млрд.теңге).
2021 жылы аудан бойынша барлық бала бақша саны 158. Оның 155 бала бақша (10 мемлекеттік және 145 жекеменшік бала бақша), 3 шағын орталық (1 мемлекеттік және 2 жеке меншік).
Мектепке дейінгі тәрбиемен қамтылу деңгейі - 98,4%.