Соңғы тәулікте өңірде 278 адамнан ковид инфекциясы анықталды

Алматы облысында өткен тәулікте 278 адамнан коронавирус анықталды. Өңір "қызыл" аймақта.

Соның ішінде Еңбекшіқазақ ауданында - 50 жағдай, Талдықорған қаласында - 46, Талғар ауданында – 24, Кербұлақ және Жамбыл аудандарында – 21-ден, Іле және Панфилов аудандарында - 20-дан, Көксу ауданында – 18, Текелі қаласында – 16, Қарасай ауданында – 12, Ұйғыр ауданында – 8, Қапшағай қаласында – 7, Ескелді және Райымбек аудандарында - 6-дан, Балқаш, Сарқан және Кеген аудандарында 1 жағдайдан тіркелді.

Ауруханаларда 1936 адам ем қабылдауда, соның 29-ының жағдайы ауыр. Бір тәулікте ауруханаларға 120 адам ем қабылдауға жатқызылды. Жұқпалы аурулар стационарларындағы орындар 50 %-ке толған.

Сондай-ақ өткен тәулікте облыс бойынша 61 адам коронавирус індетінен емделіп шықты.
Соңғы 3 күнде 7237 адамның сынамалары ПЦР зертханаларда тексерілді.

Науқастармен қарым-қатынаста болған 680 адам анықталды. Барлығы үй карантинінде және медицина қызметкерлерінің бақылауында.