Дипломмен ауылға

2020 жылы кейбір заңнамалық актілерге мемлекеттік қызметшілерді әлеуметтік қолдау шараларын күшейтуді көздейтін Мемлекеттік қызмет мәселелері бойынша өзгерістер мен толықтырулар енгізілді.

Осылайша, ауылдық деңгейдегі жергілікті атқарушы органдардың кадрлар тапшылығын жою мақсатында "Дипломмен ауылға" мемлекеттік бағдарламасы енді мемлекеттік қызметшілерге де қолданылады. Аталған шара "Қазақстан Республикасының мемлекеттік қызметі туралы" Заңның 56-бабының 12-тармағында көзделген.

Осы мемлекеттік қызметті аудандық "Экономика және бюджеттік жоспарлау бөлімі" мемлекеттік мекемесі көрсетеді. Бұл қолдауға ауыл, кент, ауылдық округтер әкімдері аппараттарының бас және жетекші мамандары үміткер бола алады.

Бағдарламаға қатысушыларға:

1) ауылдық елді мекенде тұрғын үй сатып алу немесе салу үшін 15 жыл мерзімге, 0,01% мөлшерлемемен, 1500 айлық есептік көрсеткіш мөлшерінде бюджеттік кредит;

2) 100 айлық есептік мөлшеріндегі біржолғы көтерме жәрдемақы (қайтарымсыз) беріледі.

Әлеуметтік қолдау көрсету шарттары, ол бұрын берілген кредиттер бойынша берешектің болмауы және ауылдық округте кемінде 3 жыл жұмыспен өтеу қажеттілігі.
бейне-ролик  https://m.facebook.com/story.php?story_fbid=1322787191440913&id=340660586320250

Қосымша сұрақтар туындаған жағдайда Іле ауданының экономика және бюджеттік жоспарлау бөліміне хабарласуларыңызға болады. Тел.: 87275220209