Қоғамдық көліктегі өрт: ерекшеліктері мен тәртібі

Өрт пәтерде, кеңседе немесе өнеркәсіптік кәсіпорында пайда болуы мүмкін екенін бәрі біледі. Сондықтан қайғылы жағдайлардың алдын алу үшін әртүрлі өртке қарсы шаралар қабылданады: өрт сөндіру және тыныс алу органдарын қорғау құралдары сатып алынады, өрт дабылы, автоматты өрт сөндіру жүйелері және т. б. орнатылады.

Алайда өрт тек үй-жайда ғана емес, көлікте де орын алуы мүмкін. Себептері – өте көп: отты абайсыз пайдаланудан бастап, автокөліктің электр жабдықтарындағы ақауларға дейін. Мұндай өрт бірқатар параметрлер бойынша ғимараттағы өрттен ерекшеленеді. Қоғамдық көлікте өрт болған жағдайда іс-әрекет ерекшеліктері бар.

Іле ауданының ТЖБ аудан қонақтары мен тұрғындарына қоғамдық көлікте өрт туындаған жағдайда әрекет ету алгоритмін еске салады:

- түтін немесе жану анықталған жағдайда дереу жүргізушіге және жолаушыларға хабарлаңыз;

- өрт сөндірушілер мен жедел жәрдем шақырыңыз;

- балаларға, кішкентай балалары бар әйелдерге, қарт адамдарға, қозғалу мүмкіндігі шектеулі адамдарға көмек көрсете отырып, жанып жатқан көліктен есіктер немесе арнайы авариялық люктер мен шатыр мен бүйір терезелердегі шығу жолдары арқылы шығуға тырысыңыз;

- салоннан шыққаннан кейін мүмкіндігінше алыстаңыз, өйткені көлік жарылуы мүмкін;

- егер зардап шеккендер болса, оларға дәрігерлер келгенге дейін алғашқы медициналық көмек көрсетуі керек.

Үйлесімді және жедел әрекеттер жанып жатқан автобустың салонынан тез кетіп, адамдардың өмірін сақтап қалуға мүмкіндік береді. Бірақ дүрбелең мен біліксіздік адамдарды эвакуациялауға қиындық тудырып, зардап шегушілерге немесе құрбандарға алып келуі мүмкін.

Өрт қауіпсіздігі ережелерін сақтауды ұмытпаңыз - ол төтенше жағдайда Сіздің қауіпсіздігіңіздің кепілі.

Іле ауданының ТЖБ