БЖЗҚ қаржылық журналистика мектебінің кезекті курсын өткізеді. Қор сарапшыларының шеберлік сағаттары 23 қараша күні орыс тілінде, ал 24 қараша күні қазақ тілінде онлайн форматта өтеді.

Курсқа журналистер, белсенді блогерлер, журналистика факультетінің студенттері қатыса алады. 

 

Курс бағдарламасы әртүрлі тақырыптар бойынша оқыту модульдерін қамтиды. Сонымен қатар, БЖЗҚ-ның жұртшылықпен байланыс департаментінің қызметкерлері қазіргі және болашақ әріптестеріне Қорда ақпараттық-түсіндіру жұмыстарының қалай жүргізілетінін және жинақтаушы зейнетақы жүйесі туралы қызықты материалды қалай дайындауға болатынын түсіндіреді.

 

Шараға қатысу үшін алдын-ала тіркелу қажет. Қатысуға өтінімді press@enpf.kz электрондық мекенжайына жолдайсыз. Онда ТАӘ, басылымның немесе университеттің атауы, қатысу күні және WhatsApp қосымшасы бар телефон нөмірі көрсетілуі тиіс. Шақыру-сілтеме сіз көрсеткен WhatsApp нөміріне іс-шара басталардан бір күн бұрын жіберіледі.