ИСЛАМОВ МОМУНЖАН АКВАРЖАНОВИЧ АВАТ АУЫЛДЫҚ ОКРУГІНІҢ ӘКІМІ БОЛЫП САЙЛАНДЫ

Ават ауылдық округі бойынша сайлаушылар тізіміне 3852 азамат енгізілді, олардың 1061-і дауыс берді, жарамсыз бюллетеньдердің саны – 25, "Бәріне қарсымын" деген жолда - 2.
Әкімге үміткерлер саны – 5 адам, 5 адам - өзін-өзі ұсыну арқылы ұсынылған.
Әр үміткерге берілген дауыстар саны:
Исламов Момунжан Акваржанович – 447 (43,23%); Казиев Салават Бейсенбекұлы – 120 (11,61%); Мансуров Ришат Дилшатович – 4 (0,39%), Масутова Эльвира Ахметовна - 382 (36,94%), Мухамедов Амражан Мамедович - 81 (7,83%).
Ават ауылдық округінің сайланған әкімі Исламов Момунжан Акваржанович, 1985 жылы туған, аудандық ішкі саясат, мәдениет, тілдерді дамыту және спорт бөлімі басшысының орынбасары, Ават ауылында тұрады, өзін - өзі ұсынған.