Қазақстанда зейнетақы төлемдерін алуға құқық басталған кездегі инфляция деңгейін ескере отырып, нақты енгізілген сомалар мөлшерінде міндетті зейнетақы жарналары (МЗЖ, МКЗЖ) түрлерінің сақталуына мемлекеттік кепілдіктің бірегей моделі жұмыс істейді.
Басқаша айтқанда, адам зейнетке шыққан кезде жинақтаушы зейнетақы жүйесіне қатысудың бүкіл кезеңіндегі инфляция ескеріле отырып, оның зейнетақы шотындағы кірістілік есептеледі.
Айталық, зейнетақы жүйесіне қатысушының міндетті зейнетақы жарналарының сомасы 5 000 000 теңге. Зейнет жасына жеткен сәттегі инфляцияны ескергенде бұл 6 000 000 теңге.
Егер инвестициялық кірісті ескере отырып, жинақ сомасы 6 000 000 теңгеден асатын болса, онда бұл жағдайда кепілдік өтем берілмейді.
Егер инвестициялық табысты есепке алғандағы жинақ сомасы 6 000 000 теңгеден кем болса, мәселен 5 900 000 теңге, мұндай салымшы 100 000 теңге мөлшерінде кепілдік өтем алады.
👉 Зейнетақы жинақтарын жеке басқарушы компаниялардың басқаруына аударған кезде мемлекет кепілдігі басқарушы компанияның зейнетақы активтері кірістілігінің ең төменгі деңгейін қамтамасыз ету жөніндегі кепілдігімен алмастырылады.
❗️ Мемлекеттік кепілдік бойынша айырма төлемін, төлем алуға құжаттар ресімдеуді «Азаматтарға арналған үкімет» мемлекеттік корпорациясы жүзеге асырады.