Құрметті салық төлеушілер!
Қандай жағдайларда шот-фактураны мүлдем жазуға болмайды?
Құжатты қағаз түрінде шығару мүмкіндігімен қатар, шот-фактураны операция бойынша жазуға болмайтын бірқатар заңнамалық жағдайлар бар.
ҚР СК 412-бабының 13-тармағында белгіленген жағдайларда шот-фактураны жазып беру талап етілмейді:
- есеп айырысулары жүзеге асырылатын тауарларды, жұмыстарды, көрсетілетін қызметтерді өткізу:
- сатып алушыға БКМ чегін ұсына отырып, қолма-қол ақшамен немесе қызметтерді төлеу терминалдары арқылы; төлем карточкаларын пайдалана отырып, төлемдерді жүзеге асыруға арналған жабдықты қолдана отырып жүзеге асырылады.
Бұл босату "алу тізбесіндегі" тауарларға, ӘК тауарларына және импортталған тауарларға қолданылмайды!
- есеп айырысулары электрондық ақшамен немесе электрондық төлем құралдарын пайдалана отырып жүзеге асырылатын тауарларды, жұмыстарды, көрсетілетін қызметтерді жеке тұлғаларға өткізу;
- жеке тұлғаға ұсынылған коммуналдық қызметтер, байланыс қызметтері үшін екінші деңгейдегі банктер, пошта операторы арқылы есеп айырысуларды жүзеге асыру;
- теміржол немесе әуе көлігімен жолаушыны тасымалдауды қағаз жеткізгіштегі жол жүру билетімен, электрондық билетпен немесе электрондық жол жүру құжатымен ресімдеу;
- ЖК немесе жеке практикамен айналысатын адам болып табылмайтын жеке тұлғаға тауарды өтеусіз беру;
- ҚР СК 397-бабында көзделген қызметтерді көрсету (қаржылық операциялар).
- казино, ойын автоматтары залы, тотализатор және букмекерлік кеңсе қызметі бойынша қызметтер көрсету.
Осылайша, егер сіз бір тармақта көрсетілген тауарларды сатумен немесе қызметтерді көрсетумен айналысатын болсаңыз, онда шот-фактураларды қағаз түрінде де, электронды түрде де жазбауға құқылы.
Алайда! ҚР СК 412-бабының 14-тармағына сәйкес аталған 1 және 2 жағдайда Сатып алушы сатушыға осындай құжатты жазып беру туралы өтінішпен жүгіне алады. Ол талап қою мерзімі - 5 жыл ішінде өтініш бере алады. Сатушы сатып алушыға мұндай операция бойынша ЭШФ жазып беруден бас тарта алмайды және міндетті.
«Жанама салықтарды әкімшілендіру бөлімі»